టాక్సిక్: యశ్ కోసం రంగంలోకి దిగిన నయనతార..!?
తమిళ చిత్రసీమలో కొత్త నటీనటులకు కొదవలేదు,ఇక్కడ హీరోయిన్లు తమ మార్కెట్‌ను నిలుపుకోవడం చాలా సవాలుతో కూడుకున్న అంశం. నటి నయనతార 10 సంవత్సరాలకు పైగా తన మార్కెట్‌ను ఏర్పరచుకున్న ప్రముఖ నటి. అయ్యా సినిమాతో తమిళ చిత్రసీమలోకి అడుగుపెట్టిన నయనతార మొదటి సినిమాతోనే మంచి రెస్పాన్స్ తెచ్చుకోగా, మొదటి సినిమా విజయం సాధించడంతో తదుపరి చిత్రంలో చంద్రముఖిలో రజనీకాంత్ తో జోడీ కట్టింది నయనతార. నయనతార ఆ తర్వాత వచ్చిన చిత్రాలలో తన అద్భుతమైన నటన, చరిష్మా కారణంగా అభిమానుల హృదయాల్లో తనకంటూ ఒక స్థానాన్ని సంపాదించుకోవడం
ప్రారంభించింది. ఆ తర్వాత ఏఆర్‌ మురుగదాస్‌ దర్శకత్వంలో సూర్య, అసిన్‌ జంటగా నటించిన గజినీలో సెకండ్‌ హీరోయిన్గా నటించింది. అలా భాషతో సంబంధం లేకుండా ఇప్పటివరకు వరుస సినిమాలు చేసి భారీ గుర్తింపును సంపాదించుకుంది. అంతేకాదు స్టార్ హీరోలకి సమానంగా రెమ్యూనరేషన్ తీసుకుంటున్న ఏకైక హీరోయిన్గా పేరు సంపాదించుకుంది నాయనతార. ఇదిలవుండగా కేజీఎఫ్‌' సిరీస్‌ విజయాల తర్వాత కథానాయకుడు యశ్ నుంచి రానున్న చిత్రం 'టాక్సిక్'. గీతూ మోహన్‌దాస్‌ తెరకెక్కిస్తున్న ఈ సినిమాని కేవీఎన్‌ ప్రొడక్షన్స్, మాన్‌స్టర్‌ మైండ్‌ క్రియేషన్స్‌ సంస్థలు సంయుక్తంగా నిర్మిస్తున్నాయి.
ఇందులో కియారా అడ్వాణి కథానాయికగా నటిస్తుండగా.. నయనతార, హ్యుమా ఖురేషి తదితరులు ముఖ్య పాత్రలు పోషిస్తున్నట్లు తెలిసింది. చిత్రీకరణ దశలో ఉన్న ఈ సినిమా కోసం నయన్‌ రంగంలోకి దిగినట్లు సమాచారం. ప్రస్తుతం లండన్‌లో ఈ చిత్రీకరణ జరుగుతున్నట్లు తెలుస్తోంది. ఇందులో ఆమె పాత్ర యాక్షన్‌ కోణంలో ఉండనున్నట్లు ప్రచారం వినిపిస్తోంది. 1950 - 1970ల మధ్య జరిగే డ్రగ్‌ మాఫియా కథాంశంతో ఈ చిత్రం రూపొందనుంది. దీనికి చరణ్‌రాజ్‌ సంగీత దర్శకుడిగా వ్యవహరిస్తున్నారు..నయనతార హీరోయిన్గా నటించిన హార‌ర్ థ్రిల్ల‌ర్ మూవీ మాయానిజాల్ థియేట‌ర్ల‌లో రిలీజైన మూడేళ్ల తర్వాత ఓ టీటీలోకి వ‌స్తోంది. ఆహా త‌మిళ్ ఓటీటీలో ఆగ‌స్ట్ 30 నుంచి ఈ మూవీ స్ట్రీమింగ్ కాబోతోంది. మాయానిజాల్ మూవీలో కుంచ‌కోబోబ‌న్ హీరోగా న‌టించాడు. !!