ఒకరు రిజెక్ట్ చేసిన స్టోరీతో మరొకరు.. విడుదలయితేనే తెలుస్తుంది ఎవరి డెసిషన్ కరెక్ట్ అనేది..?
ఒకరితో అనుకున్న సినిమాను మరొకరితో రూపొందించడం అనేది సినిమా పరిశ్రమలో సర్వసాధారణంగా జరుగుతూ ఉంటుంది. ప్రస్తుతం ఒక హీరోతో అనుకున్న సినిమాను మరొక హీరోతో తేరకేకిస్తున్న సినిమాలు చాలానే ఉన్నాయి. ఆ సినిమాలు ఏవి ..? అందులో మొదట అనుకున్న హీరో ఎవరు ..? ప్రస్తుతం ఆ సినిమాలను ఎవరితో రూపొందిస్తున్నారు అనే వివరాలను తెలుసుకుందాం.
టాలీవుడ్ ఇండస్ట్రీ లో మంచి గుర్తింపును సంపాదించుకున్న దర్శకులలో ఒకరు అయినటువంటి గౌతమ్ తున్ననురి కొంత కాలం క్రితం రామ్ చరణ్ తో ఓ సినిమా చేయడానికి కమిట్ అయ్యాడు. వీరిద్దరి కాంబోలో మూవీ కి సంబంధించిన అనౌన్స్మెంట్ కూడా వచ్చేసింది. కానీ ఆ తర్వాత ఏమైందో ఏమో తెలియదు కానీ వీరి కాంబోలో మూవీ అనూహ్యంగా ఆగిపోయింది. ఆ తర్వాత గౌతమ్ , విజయ్ దేవరకొండ తో సినిమాలు సెట్ చేసుకున్నాడు. ఈ మూవీ షూటింగ్ కొన్ని రోజుల క్రితమే ప్రారంభం అయ్యింది. ప్రస్తుతం ఈ మూవీ షూటింగ్ ఫుల్ స్పీడ్ గా జరుగుతుంది. ఇక గౌతమ్ రామ్ చరణ్ కోసం రాసుకున్న కథను ఆయన రిజెక్ట్ చేయడంతో అదే స్టోరీ తో విజయ్ దేవరకొండ తో సినిమా చేస్తున్నాడు అని ఓ వార్త సోషల్ మీడియాలో వైరల్ అవుతుంది.
ఇకపోతే ఉప్పెన మూవీ తో అద్భుతమైన గుర్తింపును సంపాదించుకున్న బుచ్చిబాబు సన తన రెండవ మూవీ ని ఎన్టీఆర్ తో చేయబోతున్నట్లు వార్తలు వచ్చాయి. ఆల్మోస్ట్ ఎన్టీఆర్ కూడా ఇతని దర్శకత్వంలో నటించడానికి గ్రీన్ సిగ్నల్ ఇచ్చాడు అని ఓ వార్త వైరల్ అయింది. ఆ తర్వాతే ఏమైందో తెలియదు కానీ బుచ్చిబాబు , ఎన్టీఆర్ మూవీ క్యాన్సిల్ అయింది. దానితో బుచ్చిబాబు , చరణ్ కి కథను వినిపించడం ఆ కథ బాగా నచ్చడంతో ఆయన ఈ దర్శకుడి దర్శకత్వంలో నటించడానికి గ్రీన్ సిగ్నల్ ఇవ్వడం జరిగింది. దానితో ఎన్టీఆర్ రిజెక్ట్ చేసిన స్టోరీ తోనే బుచ్చిబాబు , చరణ్ తో సినిమా చేయబోతున్నాడు అని ఓ వార్త వైరల్ అవుతుంది.