ఆ విషయంలో కూడా హరీష్ శంకర్ కి చేదు అనుభవం మిగలనుందా.. అదే జరిగితే కష్టమే..?
పవర్ స్టార్ పవన్ కళ్యాణ్ చాలా కాలం క్రితం క్రిష్ జాగర్లమూడి దర్శకత్వంలో హరిహర వీరమల్లు అనే సినిమాను మొదలు పెట్టిన విషయం మనకు తెలిసిందే. ఈ మూవీ మొదలు పెట్టిన తర్వాత కొంత భాగం షూటింగ్ పూర్తి అయ్యాక పవన్ కళ్యాణ్ "భీమ్లా నాయక్" అనే సినిమాను స్టార్ట్ చేసి దానిపై ఫోకస్ పెట్టడం మొదలు పెట్టాడు. దానితో ఈ సినిమా షూటింగ్ ఆగిపోయింది. ఆ గ్యాప్ లో దర్శకుడు క్రిష్ "కొండపొలం" అనే మూవీ ని రూపొందించాడు. ఇక పవన్ హీరో గా రూపొందిన భీమ్లా నాయక్ , క్రిష్ దర్శకత్వంలో రూపొందిన కొండపొలం రెండు సినిమాలు విడుదల అయ్యాయి.
ఆ తర్వాత మళ్లీ హరిహర వీరమల్లు సినిమా షూటింగ్ను మొదలు పెట్టారు. ఈ సినిమా మళ్లీ కొంత భాగం షూటింగ్ అయ్యాక ఆగిపోయింది. ఆ తర్వాత పవన్ రాజకీయాల వైపు దృష్టి పెట్టడంతో ఈ మూవీ దర్శకత్వ బాధ్యతలు నుండి క్రిష్ తప్పుకున్నాడు. ఇకపోతే మళ్లీ ఈ సినిమా షూటింగ్లో మరి కొంత కాలంలోనే మొదలు పెట్టబోతున్నట్లు తెలుస్తోంది. ఇక పవన్ కళ్యాణ్ ఎలక్షన్లకు ముందు సుజిత్ దర్శకత్వంలో "ఓజి" అనే మూవీ;ని ప్రారంభించిన విషయం మనకు తెలిసిందే. ఈ మూవీ షూటింగ్ను కూడా పవన్ మరికొంత కాలంలోనే మొదలు పెట్టబోతున్నట్లు తెలుస్తోంది. ఎలక్షన్లకు ముందు పవన్ , హరీష్ శంకర్ దర్శకత్వంలో ఉస్తాద్ భగత్ సింగ్ అనే మూవీ ని కూడా మొదలు పెట్టాడు.
ఇకపోతే పవన్ కళ్యాణ్ ఇప్పటికే హరిహర వీరమల్లు , ఓజి మూవీల షూటింగ్లకు గ్రీన్ సిగ్నల్ ఇచ్చినట్లు తెలుస్తోంది. కానీ ఉస్తాద్ భగత్ సింగ్ మూవీ షూటింగ్లో కాస్త పెండింగ్లో పెట్టినట్లు , ఈ రెండు సినిమాల షూటింగ్స్ పూర్తి అయిన తర్వాత ఆ మూవీ షూటింగ్లో పాల్గొనే అవకాశం ఉన్నట్లు ఓ వార్త వైరల్ అవుతుంది. హరిహర వీరమల్లు , ఓజి మూవీలను పూర్తి చేసిన తర్వాత పవన్ ఉస్తాద్ భగత్ సింగ్ మూవీ.ని స్టార్ట్ చేస్తాడా లేక మూడు సినిమాల షూటింగ్లను ఒకే సారి పూర్తి చేస్తూ వస్తాడా అనేది చూడాలి.