యాష్ "రాజధాని రౌడీ" రిలీజ్ డేట్ ఫిక్స్..!
కన్నడ ఇండస్ట్రీలో మంచి గుర్తింపు కలిగిన నటులలో ఒకరు అయినటువంటి యాష్ కొంత కాలం క్రితం ప్రశాంత్ నీల్ దర్శకత్వంలో రూపొందిన కే జి ఎఫ్ సిరీస్ మూవీ లలో హీరోగా నటించిన విషయం మనకు తెలిసిందే. ఈ మూవీ కంటే ముందు ఈయనకు కేవలం కన్నడ సినీ పరిశ్రమలో మాత్రమే గుర్తింపు ఉంది. ఎప్పుడు అయితే కే జి ఎఫ్ సిరీస్ సినిమాలు విడుదల అయ్యి బ్లాక్ బాస్టర్ విజయం అందుకున్నాయో ఒక్క సారిగా ఈ నటుడికి ఇండియా వ్యాప్తంగా గుర్తింపు లభించింది.
ఇకపోతే ఈయనకు మంచి గుర్తింపు రావడంతో ఈయన గతంలో నటించిన సినిమాలను కూడా ఇప్పుడు వేరే భాషలలో విడుదల చేస్తూ వస్తున్నారు. అందులో భాగంగా ఈయన "కే జి ఎఫ్" సిరీస్ మూవీ ల కంటే ముందు కన్నడ లో నటించిన ఓ మూవీ ని "రాజధాని రౌడీ" అనే పేరుతో తెలుగు లో విడుదల చేయనున్నారు. తాజాగా ఈ మూవీ విడుదల తేదీకి సంబంధించిన అధికారిక ప్రకటన వెలువడింది.
రాజధాని రౌడీ మూవీ ని ఈ నెల జూన్ 14 వ తేదీన విడుదల చేయనున్నట్లు మేకర్స్ అధికారికంగా ప్రకటించారు. ఇకపోతే కే జి ఎఫ్ సిరీస్ మూవీ లతో యాష్ కి తెలుగు సినీ పరిశ్రమలో కూడా మంచి గుర్తింపు ఏర్పడింది. మరి ఆ క్రేజ్ ఈ సినిమాకి ఏమైనా ఉపయోగపడుతుందో చూడాలి. ఇది ఇలా ఉంటే సంతోష్ ఎంటర్ టైన్మెంట్స్ పతాకంపై నిర్మాత సంతోష్ కుమార్ నిర్మాణంలో , షీనా హీరోయిన్ గా నటించిన ఈ మూవీ కి కేవీ రాజు దర్శకత్వం వహించాడు.
ఈ మూవీ విడుదల సందర్భంగా ఈ సినిమా నిర్మాత అయినటువంటి సంతోష్ కుమార్ మాట్లాడుతూ మాదక ద్రవ్యాలు , మద్యపానం బారినపడి , నలుగురు యువకులు తమ జీవితాల్ని ఎలా నాశనం చేసుకున్నారు అనే కధాంశంతో తెరకెక్కిన చిత్రం రాజధాని రౌడీ. వినోదానికి , సందేశాన్ని జోడించి రూపొందిన చిత్రమిది అని ఈ సినిమా నిర్మాత చెప్పుకొచ్చాడు.