
అడవిశేషు ఆలస్యం వెనుక ఆంతర్యం !
ఈమూవీ హిట్ అవ్వడంతో ఈ యంగ్ హీరోకు అనేక అవకాశాలు వచ్చినప్పటికీ చాల సెలెక్టివ్ గా సినిమాలు చేస్తున్నాడు. ‘ఎవరు’ ‘గూఢచారి’ ‘మేజర్’ సినిమాలు ఇతడి రేంజ్ ని మరింత పెంచాయి. ముఖ్యంగా ‘మేజర్’ మూవీ ఘన విజయంతో ఈ యంగ్ హీరో ఇమేజ్ జాతీయ స్థాయికి వ్యాపించింది. ప్రస్తుతం ‘గూఢచారి 2’ సీక్వెల్ లో నటిస్తూ డెకాయిట్ మూవీలో కూడ ఈ యంగ్ హీరో నటిస్తున్నాడు.
ఈమూవీలో సాయి పల్లవి నటిస్తున్న విషయం తెలిసిందే. ఈ రెండు మూవీలు కూడ పాన్ ఇండియా రేంజ్ సినిమాలు కావడంతో ఈ రెండు సినిమాల పై కూడ భారీ అంచనాలు ఉన్నాయి. అయితే ఈ రెండు సినిమాలు విడుదల కాకుండానే అడవిశేషు కు అనేక అవకాశాలు వస్తున్నప్పటికీ ఈ యంగ్ హీరో ఆ అవకాశాల గురించి పెద్దగా పట్టించుకోకుండా ఈ రెండు సినిమాల విషయం పైనే పూర్తిగా తన దృష్టి పెడుతున్నట్లు వార్తలు వస్తున్నాయి.
వాస్తవానికి యంగ్ హీరోలు అంతా వరసపెట్టి సినిమాలను విడుదల చేస్తూ తమ మార్కెట్ ను అదేధంగా తమ పారితోషికాలను పెంచుకుంటూ పోతుంటే అడవిశేషు మాత్రం ఈ రేస్ లో ఎందుకు వెనకపడుతున్నాడు అంటూ అతడి అభిమానులు ఆశ్చర్యపోతున్నారు. మంచి నటుడు మాత్రమే కాకుండా రచయితగా స్క్రీన్ ప్లే రైటర్ గా మంచి అభిరుచి ఉన్న ఈ యంగ్ హీరో దర్శకుడుగా కూడ రాణించాలని ప్రయత్నాలు చేస్తున్నాడు..