"సత్యభామ" ఆంధ్ర... సీడెడ్ హక్కులను దక్కించుకున్న ప్రముఖ సంస్థ..!
టాలీవుడ్ ఇండస్ట్రీ లో చాలా సంవత్సరాల పాటు టాప్ హీరోయిన్ లలో ఒకరిగా కెరియర్ ను కొనసాగించిన కాజల్ అగర్వాల్ తాజాగా సత్యభామ అనే లేడీ ఓరియంటెడ్ మూవీ లో ప్రధాన పాత్రలో నటించింది. ఈ మూవీ ని మొదట మే 31 వ తేదీన విడుదల చేయనున్నట్లు మేకర్స్ ప్రకటించారు. అందుకు అనుగుణంగా ఈ సినిమా ప్రచారాలను కూడా చేశారు. ఇక ఈ సినిమా విడుదల తేదీ దగ్గర పడిన నేపథ్యంలో ఈ మూవీ ని మే 31 వ తేదీన కాకుండా జూన్ 7 వ తేదీన విడుదల చేయనున్నట్లు మేకర్స్ అధికారికంగా ప్రకటించారు.
ఇకపోతే ఈ సినిమా విడుదల తేదీ దగ్గర పడడంతో ఈ మూవీ బృందం వారు ఈ సినిమా యొక్క థియేటర్ హక్కులను అమ్మి వేస్తూ వస్తున్నారు. అందులో భాగంగా తాజాగా ఈ సినిమా యొక్క ఆంధ్ర మరియు సీడెడ్ దియేటర్ హక్కులను ఈ మూవీ బృందం అమ్మి వేసింది. అందుకు సంబంధించిన అధికారిక ప్రకటనను కూడా తాజాగా మేకర్స్ విడుదల చేశారు. ఈ మూవీ యొక్క ఆంధ్ర మరియు సీడెడ్ హక్కులను ధీరజ్ మొగిలినేని ఎంటర్టైన్మెంట్ సంస్థ దక్కించుకున్నట్లు తాజాగా ఈ మూవీ బృందం వారు అధికారికంగా ప్రకటిస్తూ ఓ పోస్టర్ ను విడుదల చేశారు.
ప్రస్తుతం ఆ పోస్టర్ వైరల్ అవుతుంది. ఇకపోతే ఇప్పటికే ఈ సినిమా యొక్క ఆంధ్ర మరియు సీడెడ్ థియేటర్ హక్కులను దక్కించుకున్న ధీరజ్ మొగిలినేని ఎంటర్టైన్మెంట్ సంస్థ ఈ మూవీ ని ఈ రెండు ప్రాంతాలలో భారీ ఎత్తున విడుదల చేయడానికి సన్నాహాలను మొదలు పెట్టినట్లు తెలుస్తోంది. ఇప్పటి వరకు సత్యభామ మూవీ నుండి మేకర్స్ విడుదల చేసిన ప్రచార చిత్రాలు ప్రేక్షకులను బాగా ఆకట్టుకున్నాయి. దానితో ఈ మూవీ పై తెలుగు ప్రేక్షకుల్లో మంచి అంచనాలు ఉన్నాయి. మరి ఈ సినిమా బాక్స్ ఆఫీస్ దగ్గర ఎలాంటి ప్రభావాన్ని చూపుతోందో తెలియాలి అంటే జూన్ 7 వ తేదీ వరకు వేచి చూడాల్సిందే.