ట్రైలర్: గ్యాంగ్ ఆఫ్ గోదావరి ట్రైలర్.. విశ్వక్ బొమ్మ హిట్టేనా..?

Divya
టాలీవుడ్ లో తనకంటూ ఒక బ్రాండ్ ఏర్పరచుకున్న మాస్ కా దాస్ విశ్వక్ సెన్ ఎన్నో వైవిద్యమైన చిత్రాలలో నటించారు. తాజాగా తను నటించిన గ్యాంగ్ ఆఫ్ గోదావరి  అనే మరొక వైవిధ్యమైన సినిమాతో ప్రేక్షకుల ముందుకు రాబోతున్నారు. ఈ చిత్రాన్ని ప్రముఖ నిర్మాణ సంస్థ సితార ఎంటర్టైన్మెంట్ నిర్మిస్తోంది. ఈ చిత్రాన్ని కృష్ణ చైతన్య దర్శకత్వం వహిస్తున్నారు. హీరోయిన్ గా నేహా శెట్టి అంజలి నటిస్తున్నారు. ఈనెల 31వ తేదీన భారీ అంచనాల మధ్య ఈ సినిమా ప్రేక్షకుల ముందుకు రాబోతోంది

వరుసగా ప్రమోషన్స్ లో పాల్గొన్న చిత్ర బృందం తాజాగా గ్యాంగ్స్ ఆఫ్ గోదావరి ట్రైలర్ను కూడా ఇటీవలే విడుదల చేసింది.. ఈ రోజున హైదరాబాదులోని దేవి 70 Mm థియేటర్ల విడుదల చేశారు. అభిమానుల కేరింతల నడుమ ఈ సినిమా ట్రైలర్ విడుదల చేసినట్లు తెలుస్తోంది. విశ్వక్ మాట్లాడుతూ తన కెరీర్ లోనే ఉత్తమ చిత్రం గా ఈ సినిమా నిలుస్తుందని ఈ సినిమా పైన నమ్మకం కూడా ఉన్నదని తెలియజేశారు. విశ్వక్ నమ్మకాన్ని నిలబెట్టేలా ఈ సినిమా ట్రైలర్ ఉన్నట్లుగా కనిపిస్తోంది.

ట్రైలర్ విషయానికి వస్తే లంకల రత్న అనే ఒక శక్తివంతమైన పాత్రలో విశ్వక్ కనిపించబోతున్నారు. ఈ పాత్రలో చాలా ఒదిగిపోయి నటించారని.. విశ్వక్ తనలోని నవరసాలను సైతం పండించినట్లుగా ఈ ట్రైలర్లో కనిపిస్తోంది. అలాగే హైపర్ ఆది పంచులు కూడా ప్రేక్షకులను ఆకట్టుకునేలా కనిపిస్తున్నాయి. విశ్వక్ పంచ్ లు కూడా సినిమా పట్ల ఆసక్తినీ పెంచేలా కనిపిస్తున్నాయి. మనుషులు మూడు వర్గాలుగా వివరించే పాత్ర ఈ సినిమాకి హైలెట్ గా నిలిచేలా కనిపిస్తోంది. చివరిగా విశ్వక్ చెప్పే డైలాగ్ కూడా ప్రేక్షకులను ఆకట్టుకునేలా ఉన్నది.. నేహా శెట్టి, అంజలి ఇద్దరి అందచందాలు కూడా ఈ సినిమాకీ మరింత ప్లస్ కానున్నాయి..మరి ఏ మేరకు ఈ సినిమా విశ్వక్రియర్ని మలుపు తిప్పుతుందా చూడాలి మరి.

మరింత సమాచారం తెలుసుకోండి:

సంబంధిత వార్తలు: