అఫీషియల్ : "మనమే" రిలీజ్ డేట్ ఈరోజు ఆ సమయానికి..!
తెలుగు సినీ పరిశ్రమలో మంచి గుర్తింపు కలిగిన నటులలో ఒకరు అయినటువంటి శర్వానంద్ ప్రస్తుతం మనమే అనే సినిమాలో హీరో గా నటిస్తున్న విషయం మన అందరికీ తెలిసిందే. ఈ మూవీ కి శ్రీరామ్ ఆదిత్య దర్శకత్వం వహిస్తూ ఉండగా ... తెలుగు సినీ పరిశ్రమలో ప్రస్తుతం మంచి జోష్ లో కెరీర్ ను ముందుకు సాగిస్తున్న కృతి శెట్టి ఈ సినిమాలో శర్వానంద్ కి జోడి గా నటిస్తోంది. ఈ మూవీ కి ప్రస్తుతం తెలుగు లో అద్భుతమైన మ్యూజిక్ డైరెక్టర్ గా కెరియర్ ను కొనసాగిస్తున్న హసిం అబ్దుల్ వాహెబ్ సింగీతం అందిస్తున్నాడు.
ఈ మూవీ నుండి ఇప్పటికే కొన్ని ప్రచార చిత్రాలను విడుదల చేయగా వాటికి అద్భుతమైన రెస్పాన్స్ జనాల నుండి లభించింది. ఈ సినిమా నుండి కొన్ని ప్రచార చిత్రాలను విడుదల చేసినప్పటికీ ఈ సినిమా విడుదల తేదీని మాత్రం మేకర్స్ ప్రకటించలేదు. ఇకపోతే ఈ రోజు ఈ సినిమా యొక్క విడుదల తేదీని మేకర్స్ ప్రకటించబోతున్నారు. ఈ సినిమా యొక్క విడుదల తేదీని ఈ రోజు సాయంత్రం 5 గంటల 04 నిమిషాలకు విడుదల చేయనున్నట్లు అధికారికంగా ప్రకటిస్తూ ఓ పోస్టర్ ను విడుదల చేశారు. ప్రస్తుతం ఆ పోస్టర్ వైరల్ అవుతుంది.
ఇకపోతే ప్రస్తుతం శర్వానంద్ ఈ మూవీ తో పాటు సామజవరగమన సినిమాతో సూపర్ సక్సెస్ ను అందుకున్న రామ్ అబ్బరాజు దర్శకత్వంలో ఓ మూవీలోను , లూసర్ వెబ్ సిరీస్ తో మంచి ప్రశంసలు అందుకున్న అభిలాష రెడ్డి దర్శకత్వంలో మరో మూవీ చేస్తున్నాడు. ఇక వరుస సినిమాలతో ఫుల్ బిజీగా ఉన్న శర్వానంద్ , సంపత్ నంది దర్శకత్వంలో కూడా ఓ మూవీ లో నటించేందుకు అవకాశాలు ఉన్నట్లు తెలుస్తోంది. ఇలా ప్రస్తుతం శర్వానంద్ వరుస సినిమాలతో ఫుల్ బిజీగా ఉన్నాడు.