"నేనే రాజు నేనే మంత్రి" ఎవరితో అనుకున్నారు... ఎందుకు ఆగిపోయిందో తెలుసా..?
తెలుగు సినీ పరిశ్రమలో మంచి గుర్తింపు కలిగిన నటులలో దగ్గుపాటి రానా ఒకరు. ఈయన లీడర్ అనే మూవీ తో వెండి తెరకు పరిచయం అయ్యాడు. ఈ మూవీ కి ప్రేక్షకుల , విమర్శకుల నుండి మంచి ప్రశంసలు దక్కినప్పటికీ బాక్స్ ఆఫీస్ దగ్గర భారీ కలెక్షన్ లను వసూలు చేయలేక పోయింది. ఇక సోలో హీరో గా రానా కెరియర్ లో మంచి విజయం సాధించిన సినిమా నేనే రాజు నేనే మంత్రి. ఈ మూవీ లో కాజల్ అగర్వాల్ హీరోయిన్ గా నటించగా ... ఈ సినిమాకు తేజ దర్శకత్వం వహించాడు. ఇకపోతే తేజ ఈ సినిమాను మొదట రాజశేఖర్ తో తీయాలి అనుకున్నారు. కానీ ఆ సినిమా సెట్ కాలేదు.
మరి రాజశేఖర్ తో అనుకున్న సినిమా రానా కు దగ్గరకి అందుకు వచ్చింది , ఆ మధ్యలో ఏమి జరిగింది అనే విషయాలను తెలుసుకుందాం. దర్శకుడు తేజ "నేనే రాజు నేనే మంత్రి" మూవీ కథ ను ఒక లైన్ గా ప్రిపేర్ చేసుకొని రాజశేఖర్ కి వినిపించాడట. అది ఆయనకు చాలా బాగా నచ్చిందట. ఆ దానితో వెంటనే వీరు ఈ సినిమాలో హీరోయిన్ గా స్నేహ ను అనుకున్నారట. ఇక అహం అనే టైటిల్ తో ఈ మూవీ.ని స్టార్ట్ చేయాలి అని ఈ మూవీ మేకర్స్ అంతా ప్లాన్ చేసుకున్నారట. ఇక తేజ ఈ సినిమా కథ మొత్తం రెడీ అయిన తర్వాత రాజశేఖర్ కి వినిపించగా , ఆయనకు ఈ సినిమా క్లైమాక్స్ నచ్చలేదట.
దానితో ఆయన ఈ కథ క్లైమాక్స్ సన్నివేశాలలో కొన్ని మార్పులు , చేర్పులను సూచించగా , తేజ మాత్రం ఆ సినిమా క్లైమాక్స్ లో ఎలాంటి మార్పులు చేయడానికి సిద్ధంగా లేకపోవడంతో రాజశేఖర్ తో అనుకున్న సినిమా ఆగిపోయింది. ఇక దానితో తేజ , రానా ను సంప్రదించడం , ఆ కథ మొత్తం వినిపించడం , ఆయనకు సూపర్ గా ఈ కథ నచ్చడంతో , వెంటనే గ్రీన్ సిగ్నల్ ఇవ్వడం జరిగిపోయిందట. అలా రాజశేఖర్ , స్నేహ తో అహం అనే టైటిల్ తో అనుకున్న సినిమాను తేజ , రానా మరియు కాజల్ తో నేనే రాజు నేనే మంత్రి అనే టైటిల్ తో రూపొందించాడు.