తెలుగు సినిమాల్లో నటించడం చాలా కష్టం.. సంయుక్త షాకింగ్ కామెంట్స్?
మరోవైపు కోలీవుడ్ స్టార్ హీరో ధనుష్ తో కలిసి నటించిన సార్ మూవీ కూడా టాలీవుడ్ లో మంచి హిట్ సాధించడంతో తెలుగు ప్రేక్షకులకు ఎంతో దగ్గర అయింది ఈ హీరోయిన్. అయితే ఇలా వరుసగా విజయాలు సాధించినప్పటికీ తెలుగులో మాత్రం ఎందుకో పెద్దగా అవకాశాలు అందుకోవట్లేదు. ప్రస్తుతం టాలీవుడ్లో అడపాదడపా అవకాశాలు మాత్రమే ఈ హీరోయిన్ తలుపు తడుతూ ఉన్నాయి. దీంతో మరోసారి అటు కోలీవుడ్ ఇండస్ట్రీ పైన దృష్టి పెట్టింది సంయుక్త మేనన్. అయితే టాలీవుడ్ సినిమాలలో నటించడంపై ఇటీవల ఆసక్తికర వ్యాఖ్యలు చేసింది ఈ ముద్దుగుమ్మ.
ఈ క్రమంలోనే తెలుగు సినిమాలపై సంయుక్త మేనన్ చేసిన వ్యాఖ్యలు కాస్త ప్రస్తుతం సోషల్ మీడియాలో హాట్ టాపిక్ గా మారిపోయాయ్. తెలుగు సినిమాల్లో నటించడం తనకు ఎంతో కష్టం అంటూ చెప్పుకొచ్చింది హీరోయిన్ సంయుక్త. మలయాళ సినిమాలు చేయడమే ఎంతో ఈజీ అంటూ చెప్పుకొచ్చింది. తెలుగు భాష రాకపోవడం ఒక కారణం అయితే.. మేకప్ భారీగా వేసుకోవాల్సిన రావటం మరో ఇబ్బంది అంటూ తెలిపింది. మలయాళ సినిమాలలో ఎక్కువగా మేకప్ వెయ్యరు. కానీ తెలుగులో భారీగా మేకప్ వేయాల్సి ఉంటుంది. ఎప్పటికప్పుడు చెక్ చేసుకోవాలి. ఇక ముఖంపై ఏదో బరువు మోస్తున్న ఫీలింగ్ ఉంటుంది అంటూ సంయుక్త చేసిన కామెంట్స్ కాస్త ఇప్పుడు వైరల్ గా మారిపోయాయి.