ఆ విషయంలో "గేమ్ చేంజార్" ను ఫాలో కానున్న "దేవర" యూనిట్..?
యంగ్ టైగర్ జూనియర్ ఎన్టీఆర్ ప్రస్తుతం దేవర అనే సినిమాలో హీరోగా నటిస్తున్నాడు. ఈ మూవీలో జాన్వి కపూర్ హీరోయిన్గా నటిస్తూ ఉండగా, సైఫ్ అలీ ఖాన్ ఈ సినిమాలో విలన్ పాత్రలో కనిపించబోతున్నాడు. కొరటాల శివ దర్శకత్వం వహిస్తున్న ఈ మూవీకి అనిరుద్ రవిచంద్రన్ సంగీతం అందిస్తున్నాడు. మొత్తం రెండు భాగాలుగా విడుదల కానున్న ఈ మూవీ యొక్క మొదటి భాగాన్ని ఈ సంవత్సరం అక్టోబర్ 10వ తేదీన విడుదల చేయనున్నారు.
ఇకపోతే ఈ మూవీ కి అనిరుద్ రవిచంద్రన్ సంగీతం అందిస్తూ ఉండడంతో , ఈ మూవీ మ్యూజిక్ పై ప్రేక్షకుల్లో భారీ అంచనాలు ఉన్నాయి. కొన్ని రోజుల క్రితమే ఈ సినిమావనుండి గ్లిమ్స్ వీడియోను ఈ మూవీ యూనిట్ విడుదల చేయగా దానికి అనిరుద్ అదిరిపోయే రేంజ్ బ్యాక్ గ్రౌండ్ స్కోర్ ఇచ్చాడు. దానితో ఈ మూవీ ఆల్బమ్ పై మరింతగా ప్రేక్షకుల్లో అంచనాలు పెరిగిపోయాయి. ఇప్పటికే ఈ సినిమా నుండి మొదటి పాట అప్పుడు రాబోతుంది , ఇప్పుడు రాబోతుంది అని అనేక వార్తలు వచ్చాయి. కాకపోతే ఇప్పటి వరకు ఈ సినిమా మొదటి పాట విడుదల కాలేదు.
ఇక ప్రస్తుతం అందుతున్న సమాచారం ప్రకారం వచ్చే నెల 20 వ తేదీన ఎన్టీఆర్ పుట్టిన రోజు సందర్భంగా ఈ మూవీ యొక్క మొదటి పాటను ఈ చిత్ర బృందం విడుదల చేయబోతున్నట్లు తెలుస్తోంది. ఇకపోతే రామ్ చరణ్ ప్రస్తుతం గేమ్ చేంజర్ సినిమాలో హీరో గా నటిస్తున్నాడు. ఈ మూవీ మొదటి పాటను కూడా అప్పుడు విడుదల చేయబోతున్నాం..? ఇప్పుడు విడుదల చేయబోతున్నాం అని చెప్పి చివరకు చరణ్ పుట్టిన రోజు సందర్భంగా విడుదల చేశారు. అలా గేమ్ చేంజర్ మూవీ నే దేవర యూనిట్ కూడా ఫాలో కాబోతున్నట్లు తెలుస్తోంది.