ఎన్టీఆర్ తో అందుకే మరో సినిమా చేయాలని ఉంది... ప్రియమణి..!
ఒకానొక సమయంలో తెలుగు సినీ పరిశ్రమలో స్టార్ హీరోయిన్ లలో ఒకరిగా కెరియర్ ను కొనసాగించిన ప్రియమణి గురించి ప్రత్యేకంగా టాలీవుడ్ సినీ ప్రేమికులకు పరిచయం చేయాల్సిన అవసరం లేదు. ఈ ముద్దుగుమ్మ జగపతి బాబు హీరో గా రూపొందిన పెళ్లయిన కొత్తలో అనే మూవీ తో మంచి విజయాన్ని అందుకొని తెలుగు సినీ పరిశ్రమలో అద్భుతమైన గుర్తింపును సంపాదించుకుంది. ఆ తర్వాత యంగ్ టైగర్ జూనియర్ ఎన్టీఆర్ హీరోగా దర్శక ధీరుడు ఎస్ ఎస్ రాజమౌళి దర్శకత్వంలో రూపొందిన యమదొంగ సినిమాలో హీరోయిన్ గా నటించింది.
ఈ మూవీ అదిరిపోయే రేంజ్ బ్లాక్ బాస్టర్ విజయం సాధించడంతో ఈ ముద్దు గుమ్మ క్రేజ్ అమాంతం పెరిగి పోయింది. దానితో ఈమె తెలుగు సినీ పరిశ్రమలో టాప్ హీరోయిన్ స్థాయి కి వెళ్లిపోయింది. ఇక ఆ తర్వాత ఈమెకు తెలుగు తో పాటు అనేక తమిళ సినిమాలలో కూడా అవకాశాలు దక్కాయి. అందులో భాగంగా ఈమె చాలా సంవత్సరాల పాటు టాలీవుడ్ , కోలీవుడ్ ఇండస్ట్రీ లలో టాప్ హీరోయిన్ లలో ఒకరిగా కెరియర్ ను కొనసాగించింది. ఇకపోతే ఈ మధ్య కాలంలో ఈమెకు చాలా వరకు అవకాశాలు తగ్గాయి. తాజాగా ప్రియమణి "భామా కలాపం 2" అనే సినిమాలో నటించింది.
ఈ మూవీ నేరుగా "ఓ టి టి" ప్లాట్ ఫామ్ లో విడుదల అయింది. ఇకపోతే తాజాగా ఓ ఇంటర్వ్యూ లో ప్రియమణి మాట్లాడుతూ ... ఎన్టీఆర్ హీరో గా రూపొందిన యమదొంగ సినిమా నా కెరియర్ లో ఓ గొప్ప అనుభూతి. ఆ సమయంలో ఎన్టీఆర్ తో కలిసి నటించడం నాకు గొప్ప సంతోషాన్ని ఇచ్చింది. మరోసారి ఎన్టీఆర్ తో ఇంకో సినిమా చేయాలని ఉంది. అవకాశం వచ్చే కచ్చితంగా ఎన్టీఆర్ తో సినిమా చేస్తాను అని ప్రియమణి తాజా ఇంటర్వ్యూ లో చెప్పుకొచ్చింది.