హీరోల రేంజ్ లో.. రేటు పెంచిన త్రిష.. వామ్మో అన్ని కోట్లా?

praveen
సినిమా ఇండస్ట్రీ అనే రంగుల ప్రపంచంలో హీరోయిన్ల కెరియర్ కాలం చాలా తక్కువగా ఉంటుందని ఒక మాట ఎన్నో దశాబ్దాల నుంచి వినిపిస్తూనే ఉంది. ఒకానొక సమయంలో హీరోల సరసన హీరోయిన్ గా నటించిన వారే ఇక ఆ తర్వాత సీనియర్ హీరోయిన్ అనే ముద్ర పడిన తర్వాత.. అదే హీరోలకు అక్క, వదిన పాత్రలో నటించడం కూడా ఇండస్ట్రీలో చూస్తూ ఉంటాం. హీరోలు మాత్రం పాతికేళ్ల  నుంచి 60 ఏళ్లు నిండిన తర్వాత కూడా కుర్ర హీరోయిన్లతో నటిస్తూ సినిమాలు చేస్తూ ఉంటారు.

 అయితే కేవలం హీరోలు మాత్రమే కాదు హీరోయిన్లు సైతం ఇలా ఎక్కువ కాలం కెరీయర్ని కొనసాగించవచ్చు అని నేటి రోజుల్లో కొంతమంది నిరూపిస్తున్నారు.  ఒక దశాబ్ద కాలం స్టార్ హీరోయిన్గా కొనసాగడమే ఎక్కువ అనుకునే ఈ రోజుల్లో రెండు దశాబ్దాల కాలం దగ్గర పడుతున్న ఇంకా క్రేజ్ తగ్గని హీరోయిన్లు చాలామంది ఉన్నారు. అలాంటి వారిలో త్రిష కూడా ఒకరు. సౌత్ లో రెండు దశాబ్దాలుగా టాప్ హీరోయిన్గా హవా నడిపిస్తుంది ఈ ముద్దుగుమ్మ. మధ్యలో కాస్త గ్యాప్ తీసుకున్న ప్రస్తుతం వరుస పాన్ ఇండియా సినిమాలతో దూసుకుపోతుంది.

 ఏకంగా పోనియన్ సెల్వన్ సినిమాలతో హిట్టు కొట్టిన త్రిష.. మళ్లీ ఫామ్ లోకి వచ్చేసింది. ఇప్పుడు ఈ సొగసరి చేతిలో కమల్ - మణిరత్నం సినిమాతో పాటు అజిత్ మూవీ కూడా ఉంది. అయితే ప్రస్తుతం ఇండస్ట్రీలో ఉన్న డిమాండ్ క్యాష్ చేసుకోవాలని చూస్తుందట త్రిష. ఈ క్రమంలోనే గట్టిగా రెమ్యూనరేషన్ పెంచేసిందట. మొన్నటి వరకు రెండు మూడు కోట్లు తీసుకున్న ఈ హీరోయిన్ ఇప్పుడు ఒక్క సినిమాకి 10 కోట్లు డిమాండ్ చేస్తుందట. అయితే ఇక ఇంత భారీ పారితోషికం డిమాండ్ చేయడంతోనే అటు చిరంజీవి, బాలయ్య సినిమాలు కూడా మిస్ అయ్యాయి అంటూ ఒక టాక్ వినిపిస్తుంది.
మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

సంబంధిత వార్తలు: