అఫీషియల్ : "ఓటిటి" లోకి ఎంట్రీ ఇచ్చిన "చిన్నా" మూవీ..!
అదిరిపోయే రేంజ్ టాలెంట్ ఉన్న నటులలో ఒకరు అయినటువంటి సిద్ధార్థ్ గురించి ప్రత్యేకంగా సినీ ప్రేమికులకు పరిచయం చేయాల్సిన అవసరం లేదు. ఇకపోతే సిద్దు తాజాగా "చిత్త" అనే సినిమాలో హీరోగా నటించిన విషయం మన అందరికీ తెలిసిందే. ఈ మూవీ కి ఎస్ యు అరుణ్ కుమార్ దర్శకత్వం వహించగా ... సిద్ధార్థ్ ఈ సినిమాని రెడ్ గ్లాంట్ మూవీస్ బ్యానర్ పై స్వయంగా నిర్మించాడు. ఇకపోతే ఈ మూవీ ఈ సంవత్సరం సెప్టెంబర్ 28 వ తేదీన తమిళ భాషలో విడుదల అయింది. ఇక తమిళ భాషలో ఈ మూవీ అద్భుతమైన విజయం సాధించడంతో ఈ మూవీ ని ఆ తర్వాత కొంత కాలానికి తెలుగు లో చిన్నా పేరుతో విడుదల చేశారు.
ఇకపోతే ఈ మూవీ కి తెలుగు లో కూడా మంచి టాక్ లభించింది. దానితో ఈ మూవీ కి రెండు తెలుగు రాష్ట్రాల్లో మంచి కలెక్షన్ లు కూడా వచ్చాయి. ఇది ఇలా ఉంటే ఇప్పటికే థియేటర్ లలో ప్రేక్షకులను ఎంతగానో అలరించి మంచి కలెక్షన్ లను బాక్స్ ఆఫీస్ దగ్గర రాబట్టిన ఈ సినిమా తాజాగా "ఓ టి టి" ప్లాట్ ఫామ్ లోకి ఎంట్రీ ఇచ్చింది. ఈ మూవీ యొక్క "ఓ టి టి" హక్కులను ప్రముఖ "ఓ టి టి" సంస్థలలో ఒకటి అయినటువంటి డిస్నీ ప్లస్ హాట్ స్టార్ సంస్థ దక్కించుకుంది.
అందులో భాగంగా ఈ మూవీ ని ఈ రోజు నుండి అనగా నవంబర్ 17 వ తేదీ నుండి తమిళ్ , తెలుగు , కన్నడ , మలయాళ , హిందీ భాషల్లో ఈ "ఓ టి టి" ప్లాట్ ఫామ్ వారు తమ డిజిటల్ ప్లాట్ ఫామ్ లో స్ట్రీమింగ్ చేస్తున్నారు. ఇకపోతే ఇప్పటికే బాక్స్ ఆఫీస్ దగ్గర ప్రేక్షకులను ఎంతగానో అలరించిన ఈ సినిమా "ఓ టి టి" ప్రేక్షకులను ఏ స్థాయిలో అలరిస్తుందో చూడాలి.