హృతిక్ రోషన్ తో డేటింగ్ పై సబా ఆజాద్ కామెంట్స్!
బాలీవుడ్ స్టార్ హీరో హృతిక్ రోషన్ తో నటి సబా ఆజాద్ రిలేషన్ షిప్ లో ఉంది అంటూ గత కొంతకాలంగా సోషల్ మీడియాలో వార్తలు తెగ వైరల్ అవుతున్నాయి. దానికి తోడు వీరిద్దరూ జంటగా కలిసి బయట తిరగడంతో ఈ వార్తలకి మరింత బలం చేకూరింది. దీంతో హృతిక్ రోషన్ త్వరలోనే ఈ నటితో పెళ్లి కి రెడీ అయ్యాడు అంటూ సోషల్ మీడియాలో వార్తలు రావడం మొదలయ్యాయి.
కానీ దీనిపై హృతిక్ రోషన్ కానీ, సబా కానీ క్లారిటీ ఇవ్వలేదు. ఇదిలా ఉంటే సబా ఆజాద్ ప్రస్తుతం 'హూ ఇస్ యువర్ గైనిక్'(Who Is Your Gynac) అనే వెబ్ సిరీస్ లో నటిస్తోంది. ప్రస్తుతం అమెజాన్ మినీ టీవీలో ఈ సీరిస్ ప్రసారం అవుతోంది. అయితే ఈ సీరిస్ ప్రమోషన్స్ లో భాగంగా
సబా ఆజాద్ బాలీవుడ్ లో వరుస ఇంటర్వ్యూల్లో పాల్గొంటుంది. ఇందులో భాగంగానే తాజాగా ఓ ఇంటర్వ్యూలో పాల్గొన్న సబా అజాద్ తనపై వస్తున్న రూమర్స్ పై మొదటి సారి స్పందించింది. తమ రిలేషన్షిప్ గురించి చాలా మంది చాలా రకాలుగా ట్రోల్స్ చేశారని ఈ సందర్భంగా చెప్పుకొచ్చింది. అంతేకాకుండా వాటితో తాను చాలా ఇబ్బందులు కూడా పడినట్లు తెలిపింది." ఇతరుల నుంచి వచ్చే విమర్శలు తట్టుకోవడానికి నాకు చాలా సమయం పట్టింది. ఎందుకంటే నేనేం రాయిని కాదు కదా. వాళ్ళు చేసే కామెంట్స్ నా మనసును ఎంతో బాధపెట్టాయి. ఆ ట్రోలింగ్స్ చూసి నేను మీకు ఏమన్నా చేశాను? నా జీవితం నా ఇష్టం కదా? మీరు కూడా మీ లైఫ్ లో మీకు ఇష్టం వచ్చినట్లు జీవించండి
అని వాళ్లకు చెప్పాలనుకున్నా. కొన్ని రోజుల తర్వాత ఇలాంటి మాటలను పట్టించుకోకూడదు అని నాకు పూర్తిగా అర్థమైంది. అప్పటినుంచి ట్రోల్స్ ను పట్టించుకోవడం మానేసి మనశ్శాంతితో జీవిస్తున్నా" అంటూ చెప్పుకొచ్చింది. దీంతో సబా ఆజాద్ చేసిన ఈ కామెంట్స్ నెట్టింట వైరల్ అవుతున్నాయి. కాగా హృతిక్ రోషన్, సబా అజాద్ ఇద్దరూ రిలేషన్ లో ఉన్నట్లు అధికారికంగా ఎక్కడ మాట్లాడలేదు. కానీ సోషల్ మీడియా వేదికగా ఈ జంట ఒకరిపై ఒకరు తమ ప్రేమను చూపిస్తూ వచ్చారు. వయసులో తన కంటే 12 ఏళ్లు పెద్ద వ్యక్తితో ప్రేమలో ఉండటం పై సబా ఆజాద్ ను పలుసార్లు నెటిజన్స్ ట్రోల్స్ చేశారు.