తెలుగు సినీ పరిశ్రమలో ఇప్పటికే ఎన్నో సినిమాలలో నటించి మంచి గుర్తింపును సంపాదించుకున్న యువ నటుడు సుధీర్ బాబు గురించి ప్రత్యేకంగా టాలీవుడ్ సినీ ప్రేమికులకు పరిచయం చేయాల్సిన అవసరం లేదు. ఇకపోతే ఈ నటుడు కొంత కాలం క్రితమే హంట్ అనే సస్పెన్స్ థ్రిల్లర్ మూవీ లో హీరో గా నటించాడు. ఈ మూవీ లో సుధీర్ పోలీస్ ఆఫీసర్ పాత్రలో నటించాడు. పర్వాలేదు అనే రేంజ్ అంచనాల నడుమ విడుదల అయిన ఈ సినిమా ప్రేక్షకుల అంచనాలను ఏ మాత్రం అందుకోలేక పోయింది. దానితో ఈ మూవీ బాక్స్ ఆఫీస్ దగ్గర ఘోరపరాజయాన్ని ఎదుర్కొంది. ఇకపోతే తాజాగా ఈ నటుడు హర్ష వర్ధన్ దర్శకత్వంలో రూపొందిన మామ మచ్చింద్ర అనే ఒక డిఫరెంట్ జోనర్ మూవీ లో హీరో గా నటించాడు. సుధీర్ ఏకంగా ఈ సినిమాలో మూడు విభిన్నమైన పాత్రలో కనిపించబోతున్నాడు. ఇప్పటికే ఇందుకు సంబంధించిన పోస్టర్ లను కూడా ఈ చిత్ర బృందం విడుదల చేయగా వాటికి ప్రేక్షకుల నుండి మంచి రెస్పాన్స్ లభించింది.
ఇది ఇలా ఉంటే ఈ సినిమాను అక్టోబర్ 6 వ తేదీన థియేటర్ లలో విడుదల చేయనున్నారు. ఈ సినిమా విడుదల తేదీ దగ్గర పడడంతో తాజాగా ఈ మూవీ బృందం వారు ఈ సినిమా ఫ్రీ రిలీజ్ ఈవెంట్ తేదీ ... వేదికను ఖరారు చేస్తూ ఓ పోస్టర్ ను విడుదల చేశారు. ఈ మూవీ యొక్క ప్రి రిలీజ్ ఈవెంట్ ను అక్టోబర్ 2 వ తేదీన "జే ఆర్ సి" కన్వెన్షన్ , హైదరాబాదు లో నిర్వహించనున్నట్లు ఈ మూవీ బృందం అధికారికంగా ప్రకటించింది. ఇకపోతే ఇప్పటి వరకు ఈ సినిమా నుండి చిత్ర బృందం విడుదల చేసిన ప్రచార చిత్రాలు ప్రేక్షకులను బాగా ఆకట్టుకోవడంతో ఈ మూవీ పై ప్రేక్షకుల్లో మంచి అంచనాలు నెలకొని ఉన్నాయి.