ബിഗ്ഗ്‌ബോസ് സീസൺ 5; ലാലേട്ടൻ കുറച്ച് സ്ട്രോങ് ആകണം എന്ന് ആരാധകർ!
ബിഗ്ഗ്‌ബോസ് സീസൺ 5; ലാലേട്ടൻ കുറച്ച് സ്ട്രോങ് ആകണം എന്ന് ആരാധകർ! ഈ വരുന്ന 26 ന് ഷോ സംപ്രേഷണം ആരംഭിക്കുകയാണ്. രാത്രി ഏഴ് മണി മുതലാണ് ഉദ്ഘാടന എപ്പിസോഡ് സംപ്രേഷണം ചെയ്യുന്നത്. പരിപാടിയുടെ 24*7 സംപ്രേഷണം ഡിസ്നി പ്ലസ് ഹോട്ട്സ്റ്റാറിലും ഉണ്ടാകും. മലയാളികളുടെ പ്രിയ താരം മോഹൻലാൽ (mohanlal) തന്നെയാണ് ഇത്തവണയും ഷോയുടെ അവതാരകനായെത്തുന്നത്. സീസൺ 5 തുടങ്ങുന്നതിന് ദിവസങ്ങൾ മാത്രം ബാക്കി നിൽക്കെ ബിഗ് ബോസ് ആരാധകരുടേയും പ്രേക്ഷകരുടേയും സാധ്യത പട്ടികകളും പുറത്തുവന്നു കഴിഞ്ഞു. മിനി സ്ക്രീൻ പ്രേക്ഷകർ ഏറെ ആവേശത്തോടെ കാത്തിരിക്കുന്ന പരിപാടികളിലൊന്നാണ് ബിഗ് ബോസ് മലയാളം സീസൺ 5 (bigg boss malayalam season 5). ബിഗ് ബോസിന്റേതായി പുറത്തുവരുന്ന പ്രൊമോകൾക്കും വൻ സ്വീകാര്യതയാണ് സോഷ്യൽ മീഡിയയിൽ നിന്നും ലഭിക്കുന്നത്. ഷോയിൽ ഒരു സകലകലാ വല്ലഭൻ കൂടി പങ്കെടുക്കുന്നുണ്ടെന്നാണ് അവസാനം പുറത്തുവിട്ട പ്രൊമോയിൽ മോഹൻലാൽ പറയുന്നത്.
എന്നാലിപ്പോൾ ഇത്തവണത്തെ ബിഗ് ബോസ് എങ്ങനെയായിരിക്കണമെന്നതിൽ പ്രേക്ഷകർക്കും ചില അഭിപ്രായങ്ങളുണ്ട്. ബിഗ് ബോസ് ഫാൻസ് ഗ്രൂപ്പുകളിലൂടെയും മറ്റും ആരാധകർ തങ്ങളുടെ പ്രതീക്ഷകൾ പങ്കുവയ്ക്കുന്നുമുണ്ട്. കഴിഞ്ഞ നാല് സീസണകളെ വച്ച് താരതമ്യം ചെയ്താണ് ഇത്തവണ ആരാധകരെത്തിയിരിക്കുന്നത്. ആരൊക്കെ വന്നാലും ഗെയിം ആണ് മുഖ്യമെന്നാണ് പ്രേക്ഷകർ ഒന്നടങ്കം പറയുന്നത്. ഗെയിം സ്പിരിറ്റ് നന്നായി കാണിക്കാൻ പറ്റുന്ന തരത്തിലുള്ള ഗെയിമുകളും കുറവായിരുന്നുവെന്നും പ്രേക്ഷകർ പറഞ്ഞിരുന്നു. നല്ല ഗെയിമുകൾ കൊണ്ടു വരൂ എന്നായിരുന്നു ആരാധകർ പറഞ്ഞത്. നന്നായി ഗെയിം കളിക്കുന്ന ആളുകളെ വേണം ഗ്രാൻഡ് ഫിനാലേയിലേക്ക് എത്തിക്കേണ്ടതെന്നും ബിഗ് ബോസ് ഫാൻസ് ഗ്രൂപ്പുകളിൽ വരുന്നുണ്ട്. കാരണം കഴിഞ്ഞ സീസണിൽ ഗെയിം സ്ട്രാറ്റജികളൊരുക്കി കളിച്ചിരുന്നവരെല്ലാം ആദ്യമേ തന്നെ പുറത്തായിരുന്നു. പരമാവധി എന്റർടെയ്ൻമെന്റ് ഉണ്ടാക്കണമെന്നും പ്രേക്ഷകർ പറയുന്നു. ഇൻട്രസ്റ്റിംഗ് ആയിട്ടുള്ള ഗെയിമുകൾ ഷോയിൽ ഉണ്ടാകണമെന്നും ആരാധകർ പറയുന്നു.
നാലാം സീസണിൽ ഗെയിമുകൾ കുറവായിരുന്നുവെന്ന അഭിപ്രായം പൊതുവേ ഉണ്ടായിരുന്നു. കഴിഞ്ഞ സീസണിലേതിൽ നിന്ന് മാറി ലാലേട്ടൻ കുറച്ചു കൂടി സ്ട്രോങ് ആകണമെന്ന് പറയുന്ന ആളുകളും കുറവല്ല. കാരണം കഴിഞ്ഞ തവണ നിർണായകമായ പല സന്ദർഭങ്ങളിലും ലാലേട്ടൻ വേണ്ട രീതിയിൽ ഇടപ്പെട്ടില്ലെന്ന തരത്തിലും ആക്ഷേപമുയർന്നിരുന്നു. നന്നായി കൈകാര്യം ചെയ്യാൻ പറ്റുന്ന സാഹചര്യങ്ങളിൽ പോലും ലാലേട്ടൻ മൗനം പാലിച്ചുവെന്നായിരുന്നു പല ആരാധകരുടേയും കണ്ടെത്താൽ. പുറത്തായി എന്നു മാത്രമല്ല ആരോഗ്യപരമായ രീതിയിൽ അല്ലെങ്കിൽ ഗെയിമിനെ ഗെയിം ആയി മാത്രം കാണുന്ന ആളുകളും കുറവായിരുന്നുവെന്ന അഭിപ്രായമുയർന്നിരുന്നു. അതുകൊണ്ടു തന്നെ ഇത്തവണ നല്ല ഗെയിമേഴ്സ് ഉണ്ടാകണമെന്നു തന്നെയാണ് പ്രേക്ഷകർ ഒന്നടങ്കം പറയുന്നത്.
സീരിയൽ രംഗത്തു നിന്നും കോമഡി രംഗത്തു നിന്നുള്ള ആരെങ്കിലുമൊക്കെ മത്സര രംഗത്തുണ്ടോയെന്നാണ് ആരാധകരുടെ ചോദ്യം. ഇതിനെ ചൊല്ലിയുള്ള ചർച്ചകളും സോഷ്യൽ മീഡിയയിൽ സജീവമായി കഴിഞ്ഞു. ബാറ്റിൽ ഓഫ് ദ് ഒറിജിനൽസ്, തീപാറും എന്നീ ടാഗ് ലൈനുകളോട് കൂടിയാണ് ബിഗ് ബോസിന്റെ അഞ്ചാം സീസൺ പ്രേക്ഷകരിലേക്ക് എത്തുന്നത്. ഈ സീസണിൽ ലാലേട്ടൻ കുറച്ചു കൂടി സ്ട്രോങ് ആയി തീപാറിക്കണമെന്നാണ് ബിഗ് ബോസ് ആരാധകർ പറയുന്നത്. എന്തൊയാലും ഇത്തവണത്തെ മത്സരം ശരിക്കും തീപാറിക്കുമെന്ന് തന്നെയാണ് സോഷ്യൽ മീഡിയയിൽ നിന്നുള്ള വിലയിരുത്തലുകൾ. അഞ്ചാം സീസണിൽ ആരൊക്കെയാകും മത്സരാർഥികളായെത്തുക എന്നറിയാനുള്ള കാത്തിരിപ്പിലാണ് ആരാധകരിപ്പോൾ.