ഇനി സിനിമയെ നിരീഷിക്കാൻ 'ധർമ സെൻസർ ബോർഡും!
ഇനി സിനിമയെ നിരീഷിക്കാൻ 'ധർമ സെൻസർ ബോർഡും! യുപി പ്രയാഗ് രാജിൽ നടന്ന മാഘ് മേളയിലാണ് സന്യാസിമാരും വിവിധ മേഖലകളിൽ നിന്നുള്ളവരും അടങ്ങിയ പത്ത് അംഗങ്ങൾ ചേർന്ന് പുതിയ സെൻസർ ബോർഡിന് രൂപം നൽകിയത്. ഷാരുഖ് ഖാൻ നായകനായ പത്താനാണ് പുതിയ ബോർഡ് ആദ്യം പരിശോദിക്കുന്ന ചിത്രം. സെൻസർ ബോർഡ് തന്നെ ഇല്ലാതാക്കണമെന്നു കലാകാരന്മാർ വാദിക്കുന്ന കാലത്ത് ഇനി സിനിമയെ നിരീഷിക്കാൻ 'ധർമ സെൻസർ ബോർഡും'. സനാതന ധർമത്തെയും ഹിന്ദു ദൈവങ്ങളെയും സിനിമകളിൽ അപമാനിക്കുന്നില്ലെന്ന് ഉറപ്പാക്കുന്നതിനു വേണ്ടിയാണ് ഹിന്ദു സന്യാസിമാരുടെ നേതൃത്വത്തിലുള്ള പുതിയ സംവിധാനം രൂപീകരിച്ചിരിക്കുന്നത്. സിനിമകൾ കൂടാതെ ഡോക്യുമെൻ്ററികൾ, വെബ് സീരിസുകൾ, മറ്റ് വിനോദോപാധികൾ എന്നിവയെല്ലാം പുതിയ സംവിധാനത്തിൽ പരിശോധിക്കപ്പെടും.
സെൻസർ ഷിപ്പ് ചോദ്യം ചെയ്യപ്പെടുന്ന കാലത്ത് പുതിയ മതകാര്യവിഭാഗം സെൻസർഷിപ്പ് സംവിധാനങ്ങൾ രൂപപ്പെടുന്നത് ഭയത്തോടെയാണ് കലാരംഗത്തുള്ളവർ നോക്കിക്കാണുന്നത്.
ഹിന്ദു ദൈവങ്ങളെയും സംസ്കാരത്തെയും അപമാനിക്കുന്ന കാര്യങ്ങൾ സിനിമകളിലുണ്ടോയെന്ന് പരിശോധിക്കുകയും അത്തരം സിനിമകൾ പ്രദർശിപ്പിക്കുന്നതിനെ എതിർക്കുകയും ചെയ്യുകയാണ് ധർമ സെൻസർ ബോർഡിൻ്റെ ലക്ഷ്യം. ബോർഡ് മുന്നോട്ടുവെച്ച മാർഗ നിർദേശങ്ങൾ ലംഘിക്കുന്നുണ്ടെന്ന് കണ്ടെത്തിയാൽ സംവിധായകരെയും നിർമാതാക്കളെയും ബന്ധപ്പെട്ട് കാര്യം വിശദീകരിക്കും. ഹിന്ദുവിരുദ്ധവും വിശ്വാസത്തെ ഹനിക്കുന്നതുമായ സിനിമകൾ പുറത്തിറങ്ങിയാൽ അവ കാണരുതെന്ന് ഹിന്ദു സമൂഹത്തോട് ആഹ്വാനം ചെയ്യും.
ആവശ്യമെങ്കിൽ വിവിധ മാർഗങ്ങളിലൂടെയുള്ള മറ്റ് പ്രതിഷേധങ്ങളും നടത്തുകയുമാണ് ധർമ സെൻസർ ബോർഡ് മുന്നോട്ടു വെക്കുന്ന ആശയങ്ങൾ. സിനിമകൾക്കു പിന്നാലെ ടെലിവിഷൻ, ഒടിടി പ്ലാറ്റ്ഫോമുകളിലെ ചിത്രങ്ങളും പരിശോധയ്ക്കു വിധേയമാകുന്നതോടെ കലയ്ക്കു മൂക്കുകയറിടുന്ന സാഹചര്യമാണ് നിലവിലെന്ന് പലരും അഭിപ്രായപ്പെടുന്നുണ്ട്.
സമീപകാലത്ത് ഹിന്ദു വികാരത്തെ വ്രണപ്പെടുത്തിയെന്ന പേരിൽ നിരവധി ചിത്രങ്ങൾ റിലീസ് അടക്കമുള്ള കാര്യങ്ങളിൽ പ്രശ്നം നേരിട്ടിരുന്നു.സനാതന ധർമത്തിനെതിരായ ഉള്ളടക്കങ്ങളിൽ നടപടിയെടുക്കാനും സർക്കാറിനെയും സെൻസർ ബോർഡിനെയും സഹായിക്കുകയുമാണ് ബോർഡിൻ്റെ ലക്ഷ്യമെന്ന് ബന്ധപ്പെട്ടവർ പറയുന്നു. ബോർഡ് മുന്നോട്ടുവെച്ച മാർഗ നിർദേശങ്ങൾ ലംഘിക്കുന്നുണ്ടെന്ന് കണ്ടെത്തിയാൽ സംവിധായകരെയും നിർമാതാക്കളെയും ബന്ധപ്പെട്ട് കാര്യം വിശദീകരിക്കും.
സമീപകാലത്ത് ഹിന്ദു വികാരത്തെ വ്രണപ്പെടുത്തിയെന്ന പേരിൽ നിരവധി ചിത്രങ്ങൾ റിലീസ് അടക്കമുള്ള കാര്യങ്ങളിൽ പ്രശ്നം നേരിട്ടിരുന്നു. അമീർ ഖാൻ ചിത്രം പികെ, അക്ഷയ് കുമാർ നായകനായ ഓ മൈ ഗോഡ്, ഷാരുഖ് ഖാൻ്റെ മൈ നെയിം ഈസ് ഖാൻ, ദരം സംഘട് മെയിൻ, ജോൺ ഏബ്രഹാം അഭിനയിച്ച വാട്ടർ, പത്മാവത് തുടങ്ങിയ ചിത്രങ്ങളൊക്കെ മുമ്പ് മത വികാരം വ്രണപ്പെടുത്തിയെന്ന പേരിൽ നിരവധി പ്രശ്നം നേരിട്ട ബോളിവുഡ് ചിത്രങ്ങളാണ്.