ఆస్కార్ షార్ట్ లిస్ట్ లోకి ఎంట్రీ ఇచ్చిన ఆర్ఆర్ఆర్..!
దర్శక ధీరుడు రాజమౌళి గురించి ప్రత్యేకంగా తెలుగు సినీ ప్రేమికులకు పరిచయం చేయాల్సిన అవసరం లేదు. రాజమౌళి ఈ సంవత్సరం ఆర్ ఆర్ ఆర్ అనే మూవీ తో ప్రేక్షకుల ముందుకు వచ్చిన విషయం మన అందరికీ తెలిసింది. ఈ మూవీ లో టాలీవుడ్ ఇండస్ట్రీలో స్టార్ హీరోలలో కొనసాగుతున్నటువంటి మెగా పవర్ స్టార్ రామ్ చరణ్ , యంగ్ టైగర్ జూనియర్ ఎన్టీఆర్ హీరోలుగా నటించగా , ఆలియా భట్ , ఒలీవియా మోరిస్ ఈ మూవీ లో హీరోయిన్ లుగా నటించారు.
భారీ బడ్జెట్ తో పాన్ ఇండియా మూవీ గా తెరకెక్కిన ఈ మూవీ ని ప్రముఖ నిర్మాత డి వి వి దానయ్య డి వి వి ఎంటర్టైన్మెంట్ బ్యానర్ పై నిర్మించగా , ఎం ఎం కీరవాణి ఈ మూవీ కి సంగీతం అందించాడు. అజయ్ దేవ్ గన్ , శ్రేయ సముద్ర ఖని ఈ మూవీ లో ఇతర ముఖ్య పాత్రలలో నటించారు.
భారీ అంచనాల నడుమ తెలుగు , తమిళ , కన్నడ , హిందీ , మలయాళ భాషల్లో విడుదల అయిన ఆర్ ఆర్ ఆర్ మూవీ ప్రపంచవ్యాప్తంగా గ్రాండ్ విజయాన్ని అందుకుంది. అలాగే ఈ మూవీ విజయంలో ఎం ఎం కీరవాణి అందించిన సంగీతం కూడా అత్యంత కీలకపాత్రను పోషించింది.
ఇది ఇలా ఉంటే తాజాగా ఈ మూవీ కి సంబంధించిన ఒక అద్భుతమైన బ్రేకింగ్ న్యూస్ బయటకు వచ్చింది. గత కొన్ని రోజులుగా ఆర్ ఆర్ ఆర్ మూవీ కి ఆస్కార్ అవార్డ్ క్యాటగిరి లో చోటు దక్కాలి అని ఎంతో మంది సినీ ప్రేమికులు కోరుకుంటున్న విషయం మన అందరికీ తెలిసిందే. ఇది ఇలా ఉంటే తాజాగా ఆస్కార్ షాట్ లిస్ట్ లో ఎం ఎం కీరవాణి సంగీతం అందించినటువంటి "నాటు నాటు" సాంగ్ ఒరిజినల్ సాంగ్ కేటగిరీలో నామినేట్ అయ్యింది. ఇది ఇలా ఉంటే ఆర్ ఆర్ ఆర్ మూవీ మరికొన్ని కేటగిరీ లలో కూడా నామినేట్ అయ్యే అవకాశం ఉన్నట్టు తెలుస్తుంది.