చిరంజీవి చేస్తున్న పని అభిమానులకు నచ్చలేదు..?

Divya
టాలీవుడ్ లో మెగాస్టార్ చిరంజీవి ప్రస్తుతం వరుస సినిమాలతో దూసుకుపోతున్నారు. చిరంజీవి చివరిగా సైరా నరసింహారెడ్డి సినిమాతో మంచి బ్లాక్ బస్టర్ విజయాన్ని అందుకున్నారు. ఆ తర్వాత వచ్చిన సినిమాలన్నీ పెద్దగా ఆకట్టుకోలేకపోయాయి. దీంతో ప్రస్తుతం చిరంజీవి నటించిన వాల్తేరు వీరయ్య సినిమా పైన అభిమానులు కాస్త నమ్మకాన్ని పెట్టుకున్నారు. ఈ చిత్రాన్ని డైరెక్టర్ బాబీ దర్శకత్వం వహిస్తూ ఉన్నారు. అయితే ఈ సినిమా రిలీజ్ డేట్ పైన అభిమానులు కాస్త అసంతృప్తిగా ఉన్నట్లు తెలుస్తోంది వాటి గురించి తెలుసుకుందాం.

వాల్తేరు వీరయ్య సినిమాని జనవరి 13వ తేదీన విడుదల చేయబోతున్నట్లు చిత్ర బృందం అధికారికంగా తెలియజేసింది. అయితే ఈ సినిమా విడుదలయ్యే సమయానికి మూడు సినిమాలు విడుదల కాబోతున్నాయి.అందులో విజయ్ నటిస్తున్న వారిసు సినిమా, బాలయ్య నటిస్తున్న వీర సింహారెడ్డి సినిమా కూడా విడుదల కాబోతున్నాయి. యువ హీరో సంతోష్ శోబాన్ నటిస్తున్న ఒక సినిమా కూడా సంక్రాంతికి విడుదల కాబోతున్నట్లు వార్తలు వినిపిస్తున్నాయి. ఇక ఇందులో కనీసం రెండు సినిమాలు పాజిటివ్ టాక్ తెచ్చుకున్నట్లు అయితే సినిమా  స్క్రీన్ లను పెంచాలనే ఒత్తిడి ఎక్కువగా గురవుతుందని మెగా అభిమానులు సైతం భావిస్తున్నారు.
దీంతో కచ్చితంగా విడుదలయ్యే సినిమాల పైన తీవ్రమైన ప్రభావం చూపుతుందని చెప్పవచ్చు. అందుచేతనే మెగా అభిమానులకు సైతం వాల్తేరు వీరయ్య సినిమా జనవరి 13న విడుదల చేయడానికి డేట్ ప్రకటించడంతో కాస్త నిరుత్సాహం చెందుతున్నట్లు వార్తలు వినిపిస్తున్నాయి. ఒకవేళ సంక్రాంతికి అన్ని సినిమాలు పర్వాలేదు అనిపించుకుంటే పర్లేదు కానీ ఏవైనా సినిమాలు తేడా కొట్టాయంటే ఆ సినిమా భారీ ప్లాప్ ను చూడవలసి వస్తుందని కొంతమంది నెటిజన్స్ సైతం కామెంట్లు చేస్తున్నారు. మరి ఏం జరుగుతుందో తెలియాలి అంటే సినిమాలు విడుదల అయ్యే వరకు వేచి చూడాల్సిందే. రిలీజ్ విషయంలో అసంతృప్తిగా ఉన్న మెగా అభిమానులు సినిమా రిలీజ్ అయ్యాక సంతోష పడతారేమో చూడాలి.
మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

CHIRANJIVE MOVIE RELIGE

సంబంధిత వార్తలు: