ఆర్ఆర్ఆర్: జపాన్ లో సూపర్ రికార్డ్?
ఆర్ఆర్ఆర్ సినిమా అక్టోబర్ 21న జపాన్లో గ్రాండ్గా విడుదలైంది.పాన్ ఇండియా స్టార్ డైరెక్టర్ రాజమౌళి.. యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ ముగ్గురు ట్రిబుల్ ఆర్ ప్రమోషన్లలో చురుగ్గా పాల్గోన్నారు. గత శుక్రవారం విడుదలైన ఈ మూవీకి అద్భుతమైన రెస్పాన్స్ వచ్చింది. జపాన్ దేశంలో rrr సినిమాకు అత్యుత్తమ ఓపెనింగ్స్ వచ్చాయి. ఇప్పటివరకు జపాన్ లో విడుదలైన భారతీయ చిత్రాలన్నింటికంటే ఎక్కువ ఓపెనింగ్స్ నమోదు చేసుకుని రికార్డ్ సృష్టించింది. నివేదికల ప్రకారం ఈ సినిమా మొదటి రోజే దాదాపు రూ. 1.06 కోట్లు రాబట్టింది. గతంలో ప్రభాస్ నటించిన సాహో చిత్రం ఒక్కరోజే రూ. 90 లక్షలతో రికార్డ్ సృష్టించిన.. ఆ రికార్డ్ బ్రేక్ చేసింది ట్రిబుల్ ఆర్. ఇక ఈ మూవీ వారాంతపు వసూళ్లు రూ. 3.5 కోట్లకు పైగా ఉండవచ్చని నివేదికలు అంచనా వేస్తున్నాయి. ప్రస్తుతం జక్కన్న అండ్ టీం జపాన్ లో సందడి చేస్తున్నారు.
జపాన్ అభిమానులను తారక్, చరణ్ కలుసుకున్న ఫోటోస్, వీడియోస్ సోషల్ మీడియాలో వైరలవుతున్నాయి. తమ అభిమాన హీరోలను చూడగానే జపాన్ ఫ్యాన్స్ కన్నీళ్లు పెట్టుకున్నారు. పలు రకాలుగా తమ అభిమానాన్ని చాటుకుంటున్నారు. ప్రముఖ నిర్మాణ సంస్థ డీవీవీ ఎంటర్టైన్మెంట్స్ బ్యానర్ పై ఈ చిత్రాన్ని దాదాపు రూ. 400 కోట్ల బడ్జెట్ తో నిర్మించగా.. ప్రపంచవ్యాప్తంగా ఈ సినిమాకు అద్భుతమైన రెస్పాన్స్ రావడమే కాకుండా అంతర్జాతీయంగా రూ. 1100 కోట్లకు పైగా వసూళ్లు రాబట్టింది.ఇక రాజమౌళి తదుపరి చిత్రం సూపర్ స్టార్ మహేష్ బాబుతో ఉండనుంది. ఈ విషయాన్ని ఇప్పటికే రాజమౌళి పలు ఇంటర్వ్యూలలో చెప్పుకొచ్చాడు. ఇప్పటివరకు తాను తెరకెక్కించిన సినిమాలన్నింటికి మించి మహేష్ తో చేయబోయే ఉంటుందని స్వయంగా జక్కన్న చెప్పడంతో ఈ మూవీపై అంచనాలు పెరిగాయి. వచ్చే ఏడాది వీరి కాంబోలో రాబోయే చిత్రం పట్టాలెక్కనుంది.