అఖిల్ 'ఏజెంట్' టీజర్ లో అవే హైలెట్ అంటా..!
టాలీవుడ్ యంగ్ హీరో అక్కినేని అఖిల్ ప్రస్తుతం టాలీవుడ్ స్టైలిష్ దర్శకుడు సురేందర్ రెడ్డి దర్శకత్వంలో తెరకెక్కుతున్న ఏజెంట్ మూవీలో హీరోగా నటిస్తున్న విషయం మనందరికీ తెలిసిందే. అక్కినేని అఖిల్ కెరియర్ లో ఏజెంట్ సినిమా 5 వది. మోస్ట్ ఎలిజిబుల్ బ్యాచిలర్ లాంటి సక్సెస్ ఫుల్ మూవీ తర్వాత అక్కినేని అఖిల్ నటించిన సినిమా కావడం , సైరా నరసింహారెడ్డి లాంటి పాన్ ఇండియా మూవీ తర్వాత సురేందర్ రెడ్డి దర్శకత్వంలో వస్తున్న సినిమా కావడంతో అక్కినేని అభిమానులు ఏజెంట్ మూవీ పై మంచి అంచనాలు పెట్టుకున్నారు.
ఇది ఇలా ఉంటే ఈ సినిమాలో సాక్షి వైద్య కథానాయికగా నటిస్తోంది. ఇప్పటికే ఈ సినిమా నుండి సాక్షి వైద్య కు సంబంధించిన ఫస్ట్ లుక్ పోస్టర్ ను చిత్ర బృందం విడుదల చేసింది. ఈ ఫస్ట్ లుక్ పోస్టర్ కు ప్రేక్షకుల నుండి మంచి రెస్పాన్స్ లభించింది. ఈ సినిమాలో మమ్ముట్టి ఒక ప్రధానమైన పాత్రలో కనిపించనుండగా , ఈ సినిమాకు హిప్ హప్ తమిజ సంగీతాన్ని అందిస్తున్నాడు. ఈ సినిమాను ఆగస్ట్ 12 వ తేదీన విడుదల చేయనున్నట్లు చిత్ర బృందం చాలా రోజుల క్రితమే ప్రకటించింది. కాకపోతే ఇప్పటికీ ఈ సినిమా చిత్రీకరణ జరుపుకుంటు ఉండడంతో ఈ సినిమా ఆగస్ట్ 12 వ తేదీన విడుదల కావడం కష్టమే అని తెలుస్తోంది.
ఇది ఇలా ఉంటే మరి కొన్ని రోజుల్లో ఈ సినిమా టీజర్ ను విడుదల చేయాలని చిత్ర బృందం ఆలోచనలో ఉన్నట్లు తెలుస్తోంది. మరికొద్ది రోజుల్లోనే ఈ మూవీ టీజర్ విడుదల తేదీని చిత్ర బృందం ప్రకటించబోతున్నట్లు తెలుస్తోంది. ఈ టీజర్ ఎడిటింగ్ ఇప్పటికే పూర్తి అయినట్లు. టీజర్ సరిగ్గా 1 నిమిషం 15 సెకన్ల పాటు ఉండబోతున్నట్టు, అఖిల్ మేకోవర్ తో పాటు, స్టైలిష్ యాక్షన్ సీక్వెన్సెస్ ఈ మూవీ టీజర్ హైలైట్ గా నిలువనునట్లు తెలుస్తోంది.