బిగ్ బాస్ ఓటిటి లో నెక్స్ట్ ఎలిమినేషన్ ఎవరో ముందే చెప్పేసిన ముమైత్ ఖాన్..!
ఇండియాలో బిగ్ బాస్ రియాల్టీ షో ఎ రేంజ్ క్రేజ్ ఉందొ ప్రత్యేకంగా చెప్పనవసరం లేదు, ఇలా బిగ్ బాస్ రియాల్టీ షో కు ఫుల్ క్రేజ్ ఉండడం తో ప్రస్తుతం బిగ్ బాస్ ఇండియా లోని చాలా భాషల్లో విజయవంతంగా కొనసాగుతూ వస్తోంది, ఇందులో భాగంగా ఇప్పటి కే తెలుగు లో బిగ్ బాస్ అయిదు సీజన్ లను విజయవంతంగా పూర్తి చేసుకుంది. ఇది ఇలా ఉంటే తాజా గా తెలుగు బిగ్ బాస్ 'ఓ టి టి' ప్రారంభం అయిన విషయం మన అందరికి తెలిసిందే, అలాగే తాజాగా బిగ్ బాస్ తెలుగు 'ఓ టి టి' మొదటి వారం ఎలిమినేషన్ కూడా జరిగింది, బిగ్ బాస్ తెలుగు 'ఓ టి టి' లో భాగంగా ఈ మొదటి వారం ఎలిమినేషన్ లో ముమైత్ ఖాన్ ఎలిమినేట్ అయి బిగ్ బాస్ హౌస్ నుండి బయటకు వచ్చింది.
ఇది ఇలా ఉంటే బిగ్ బాస్ షో లకు నిర్వహించిన బిగ్ బాస్ బుజ్ ను ఈ బిగ్ బాస్ 'ఓ టి టి' కి కూడా నిర్వహిస్తున్నారు, ఈ బజ్ షో కు యాంకర్ రవి హోస్ట్గా వ్యవహరిస్తున్నారు, బిగ్ బాస్ నిర్వాహకులు తాజాగా ముమైత్ ఎపిసోడ్ ను రిలీజ్ చేశారు, ఇందులో భాగంగా ముమైత్ ఖాన్ కొన్ని ఆసక్తికరమైన వ్యాఖ్యలు చేసింది. ముమైత్ ఖాన్ మాట్లాడుతూ... ఆర్జే చైతూ చాలా ఫేక్ అని.. తన తర్వాత ఆర్జే చైతూ ఎలిమినేట్ కాబోతున్నాడంటూ ముమైత్ ఖాన్ చెప్పింది, అలాగే తాను ఎలిమినేట్ కావడం వల్లే యాంకర్ శివ, ఆర్జే చైతూ, బిందు మాదవి, శ్రీరాపాకలు ఆనందంగా ఉన్నారని ముమైత్ ఖాన్ చెప్పింది. ఇది ఇలా ఉంటే తెలుగు బిగ్ బాస్ 'ఓ టి టి' కి నాగార్జున హోస్ట్ గా వ్యవహరిస్తున్నాడు.