స్పీడ్ మీదున్న బంగార్రాజు..!
టాలీవుడ్ కింగ్ నాగార్జున హీరోగా కళ్యాణ్ కృష్ణ దర్శకత్వంలో తెరకెక్కుతున్న సినిమా బంగార్రాజు, ఈ సినిమాలో నాగార్జున సరసన రమ్యకృష్ణ హీరోయిన్ గా నటిస్తుండగా ఒక ముఖ్య పాత్రలో అక్కినేని నాగ చైతన్య కూడా కనిపించబోతున్నాడు, ఈ సినిమాలో నాగ చైతన్య కు జంటగా కృతి శెట్టి హీరోయిన్ గా నటిస్తుంది, బంగార్రాజు సినిమా 2015 సంక్రాంతికి విడుదలై బ్లాక్ బస్టర్ గా విజయాన్ని సాధించిన సోగ్గాడే చిన్ని నాయన సినిమాకు సీక్వెల్ గా తెరకెక్కుతోంది. ఇప్పటికే ఈ సినిమాకు సంబంధించిన కొన్ని ప్రచార చిత్రాలను చిత్ర బృందం విడుదల చేయగా వీటికి జనాల నుండి అదిరిపోయే రెస్పాన్స్ రావడం మాత్రమే కాకుండా ఈ సినిమాపై ఉన్న అంచనాలను కూడా పెంచేశాయి, ఇదిలా ఉంటే తాజాగా బంగార్రాజు చిత్ర బృందం ఒక పోస్టర్ ని విడుదల చేసింది, ఈ పోస్టర్ ద్వారా ఈ సినిమా షూటింగ్ పూర్తి అయినట్లు చిత్ర బృందం తెలియజేసింది, ఈ పోస్టర్ లో నాగ చైతన్య, కృతి శెట్టి డాన్స్ స్టెప్ వేస్తున్నారు. ఇక పోతే ఈ సినిమాను సంక్రాంతి కానుకగా విడుదల చేయాలనే ఆలోచనలో చిత్ర బృందం ఉన్నట్లు వార్తలు వస్తున్నాయి.
దానికి ప్రధాన కారణం సంక్రాంతి కానుకగా విడుదలైన సోగ్గాడే చిన్నినాయన బాక్సాఫీస్ దగ్గర బ్లాక్ బస్టర్ విజయం సాధించడమే, అదే సెంటిమెంట్ తో బంగార్రాజు సినిమాను కూడా 15 జనవరి 2022 వ తేదీన విడుదల చేయాలనే ఆలోచనలో ఉన్నట్లు తెలుస్తోంది. మొన్నటి వరకు ఈ సినిమాను విడుదల చేయాలా? లేదా అన్న ఆలోచన వున్న చిత్ర బృందం తాజాగా భీమ్లా నాయక్ సినిమా సంక్రాంతి బరి నుండి తప్పుకోవడంతో బంగార్రాజు సినిమాను సంక్రాంతికే విడుదల చేయాలనే దిశగా చిత్ర బృందం ప్లాన్ చేస్తున్నట్లు వార్తలు వస్తున్నాయి, మరి బంగార్రాజు సినిమాను సంక్రాంతికే విడుదల చేస్తారా.. లేక వేరే ఏదైనా తేదీకి షిఫ్ట్ అవుతారో చూడాలి.