కళ్యాణ్ రామ్ బింబిసారా ఆగిపోయిందా!!
నందమూరి కళ్యాణ్ రామ్ హీరోగా తెరకెక్కుతున్న సినిమాలలో బింబి సారా కూడా ఒకటి. చారిత్రాత్మక నేపథ్యంలో కళ్యాణ్ రామ్ కెరీర్లోనే మొట్ట మొదటి సారిగా భారీ బడ్జెట్ తో పాన్ ఇండియా సినిమాగా ప్రేక్షకుల ముందుకు రాబోతున్న ఈ చిత్రం ఇప్పటికే షూటింగ్ పూర్తి అయి ఉండాలి. కానీ గత కొన్ని రోజులుగా ఈ సినిమా షూటింగ్ జరగడం లేదని తెలుస్తోంది దాంతో ఈ చిత్రం ఆగిపోయిందా అనే అనుమానాలు ఇప్పుడు వస్తున్నాయి. సొంత బ్యానర్ పై కళ్యాణ్ రామ్ ఎంతో రిస్క్ చేసి మరి ఈ సినిమాను మొదలు పెట్టగా ఇప్పుడు ఇలాంటి అనుమానాలు రావడం ఒకింత ఆశ్చర్యాన్ని కలిగిస్తుంది.
మొదటి నుంచి తన సినిమాలను ఎక్కువగా తానే నిర్మించుకుంటూ వచ్చాడు కళ్యాణ్ రామ్. కథ విషయంలో దర్శకుడు విషయంలో ఏ విధంగానూ కాంప్రమైజ్ కాకుండా కథను నమ్మి ప్రేక్షకులను అలరించే ఎన్నో సినిమాలు చేసిన ఆయనకు ఎక్కువగా ఫ్లాపులే పలకరించాయి అని చెప్పవచ్చు. అన్నీ బాగానే ఉన్నా కూడా ఏదో ఒక విషయంలో కళ్యాణ్ రామ్ తప్పటడుగులు వేయడం అదే ఆ సినిమా ఫ్లాప్ అవడానికి కారణాలు ఇప్పటివరకు అవుతూ వచ్చాయి.
ఈ నేపథ్యంలో ఇప్పుడు చేయబోయే బింబీ సారా విషయంలో ఎలాంటి తప్పు చేయకూడదు అని భావించి ఆచితూచి జాగ్రత్తగా వెళుతూ ఇప్పటివరకు షూటింగ్ చేస్తూ రాగా తాజాగా కొత్త షెడ్యూల్ మొదలు పెట్టడానికి చాలా సమయం తీసుకుందిఈ చిత్ర యూనిట్. దాంతో ఈ సినిమా బృందం ఎందుకు ఈ సినిమాను త్వరగా పూర్తి చేయలేక పోతుంది అనే అనుమానాలను వ్యక్తం చేస్తున్నారు ప్రేక్షకులు. ఓ వైపు ఈ సినిమా ఆగిపోయిందనే ప్రచారం జరుగుతుండగా చిత్ర బృందం కూడా నోరు మెడపక పోవడం ఈ వార్తలకు మరింత బలం చేకూరుస్తూనట్లు అవుతుంది. ఇప్పటికైనా ఈ సినిమా గురించి ఒక అప్డేట్ ఇస్తే బాగుంటుంది.