రెమ్యునిరేషన్ అమాంతం పెంచేసిన ఉప్పెన బ్యూటీ..!
అందాల ముద్దుగుమ్మ కృతి శెట్టి పంజా వైష్ణవ్ తేజ్ హీరోగా బుచ్చిబాబు సన దర్శకత్వంలో తెరకెక్కిన ఉప్పెన సినిమాతో వెండితెరకు పరిచయం అయింది, ఈ ముద్దుగుమ్మ నటించిన మొదటి సినిమా ఉప్పెన విడుదల కాక ముందే ఈ సినిమా నుండి విడుదలైన పాటలు, టీజర్, ట్రైలర్ ల ద్వారానే తెలుగు నాట ఫుల్ క్రేజ్ ని సంపాదించుకుంది. ఆ తర్వాత సినిమా కూడా జనాలను ఎంత గానో ఆకట్టుకోవడం మాత్రమే కాకుండా కృతి శెట్టి కూడా తన నటనతో, హావభావాలతో, అంద చందాలతో తెలుగు ప్రజలను కట్టిపడేసింది, ఇలా ఈ ముద్దుగుమ్మ నటించిన మొదటి సినిమా బాక్సాఫీసు వద్ద మంచి విజయం సాధించడంతో టాలీవుడ్ లో వరుస ఆఫర్లు వస్తున్నాయి.
ముద్దుగుమ్మ కృతి శెట్టి మొదటి సినిమాకు ఆరు లక్షల వరకు పారితోషికం తీసుకున్నట్లు వార్తలు వచ్చాయి, ఆ తర్వాత సినిమా మంచి బ్లాక్ బస్టర్ కావడంతో 60 లక్షల వరకు గిఫ్ట్ రూపంలో అందుకున్నట్లు వార్తలు వచ్చాయి. ప్రస్తుతం శృతి శెట్టి సోగ్గాడే చిన్నినాయన ప్రీక్వెల్ గా తెరకెక్కుతున్న బంగార్రాజు సినిమాలో హీరోయిన్ గా నటిస్తుంది, దీనితో పాటు నాని హీరోగా తెరకెక్కుతున్న శ్యామ్ సింగరాయ్ , సుధీర్ బాబు హీరోగా నటిస్తున్న ఆ అమ్మాయి గురించి మీరు చెప్పాలి , నితిన్ హీరోగా నటిస్తున్న మాచర్ల నియోజకవర్గం ఇలా తెలుగులో క్రేజీ సినిమాల్లో నటిస్తున్న ఈ ముద్దు గుమ్మ ప్రస్తుతం 80 లక్షల వరకు రెమ్యూనరేషన్ తీసుకుంటున్నట్లు వార్తలు వస్తున్నాయి. రాబోయే కాలంలో కృతి శెట్టి రెమ్యూనరేషన్ మరింత పెరిగే అవకాశాలు ఉన్నాయని కొంత మంది అంటున్నారు. మరి కృతి శెట్టి ఇలా వరుస ఆఫర్ల తో తెలుగు ఇండస్ట్రీలో ఫుల్ జోష్ లో దూసుకుపోతుంది. చూస్తుంటే మరికొద్ది రోజుల్లోనే కృతి శెట్టి పారితోషకం కోటి దాటే అవకాశాలు కనిపిస్తున్నాయి.