"విక్రమ్ - వేద" రీమేక్ లో స్టార్ హీరో ?
సినిమా పరిశ్రమలో బాగా హిట్ అయిన సినిమాను ఒకభాష నుండి వేరే భాషలోకి రీమేక్ చేయడం సాధారణంగా జరుగుతూ ఉంటుంది. ఇది వరకు ఈ విధంగా చాలా సినిమాలు రీమేక్ లు గా వచ్చి ప్రేక్షకులను రెండు భాషల్లోనూ ఎంతగానో ఆకట్టుకున్నాయి. ఇప్పుడు ఇదే దారిలో తమిళ్ సూపర్ హిట్ మూవీ "విక్రమ్ వేద" రీమేక్ కానుంది. ఈ విషయాన్ని మేకర్స్ అధికారికంగా ప్రకటించిన విషయం తెలిసిందే. ఈ సినిమాను బాలీవుడ్ లో రీమేక్ చేయనున్నారు. తమిళ మాతృకలో ప్రధాన పాత్రల్లో మాధవన్ మరియు మక్కల్ సెల్వన్ విజయ్ సేతుపతి నటించి మెప్పించారు. ఇద్దరూ పోటీ పడి నటించి సినిమా అఖండ విజయాన్ని సాధించడంలో పాలుపంచుకున్నారు. ఈ సినిమా 2017 లోనే విడుదల కాగా, నాలుగు సంవత్సరాల తర్వాత రీమేక్ చేస్తుండడం విశేషం.