'పుష్ప' లో ఎవరూ ఊహించలేని ట్విస్ట్ అదే ....??
ప్రస్తుతం స్టైలిష్ స్టార్ అల్లు అర్జున్ హీరోగా సుకుమార్ దర్శకత్వంలో తెరకెక్కుతున్న సెన్సేషనల్ పాన్ ఇండియా మూవీ పుష్ప. రష్మిక మందన్న తొలిసారిగా ఈ మూవీ ద్వారా అల్లు అర్జున్ తో జోడీగా కడుతుండగా రాక్ స్టార్ దేవిశ్రీప్రసాద్ ఈ మూవీ కి సంగీతం అందిస్తున్నారు. మైత్రి మూవీ మేకర్స్ బ్యానర్ పై తెరకెక్కుతున్న ఈ మూవీ ఎర్ర చందనం స్మగ్లింగ్ నేపథ్యంలో తెరకెక్కుతుననట్లు టాక్. గతంలో బన్నీ, సుకుమార్ ల కలయికలో వచ్చిన ఆర్య సూపర్ హిట్ కొట్టగా ఆ తరువాత దానికి కొనసాగింపుగా వచ్చిన ఆర్య 2 ఫ్లాప్ అయింది.
అయితే చాలా ఏళ్ళ గ్యాప్ తరువాత తామిద్దరి కలయికలో రూపొందుతున్న సినిమా కావడంతో ఎలాగైనా దీనిని సూపర్ హిట్ చేసేలా దర్శకుడు సుకుమార్ స్క్రిప్ట్ విషయంలో ఎంతో జాగ్రత్త తీసుకున్నట్లు టాక్. ప్రస్తుతం తమిళనాడు లో షూటింగ్ జరుపుకుంటున్న ఈ మూవీలో అల్లు అర్జున్ ఒక లారీ క్లీనర్ పాత్ర చేస్తున్నట్లు టాక్. కాగా ఆయన తో పాటు హీరోయిన్ రష్మిక రోల్ కూడా ఇందులో పక్కాగా మాస్ స్టైల్ లో ఉంటుందని, ముఖ్యంగా అల్లు అర్జున్ ఫ్యాన్స్ తో పాటు అన్ని వర్గాల ప్రేక్షకులని అలరించేలా దర్శకుడు సుకుమార్ ఈ మూవీ ని ఎంతో అత్యద్భుతంగా తెరక్కిస్తున్నారని సమాచారం.
ఇటీవల రిలీజ్ అయిన ఈ మూవీ ఫస్ట్ లుక్ పోస్టర్స్ కి మంచి రెస్పాన్స్ వచ్చింది. ఇక ఈ మూవీ కి సంబందింసీని ప్రస్తుతం ఒక న్యూస్ పలు టాలీవుడ్ వర్గాల్లో సంచలనంగా మారింది. అదేమిటంటే, ఈ సినిమాలోని ప్రీ క్లైమాక్స్ లో వచ్చే ట్విస్ట్ నిజంగా అందరినీ ఎంతో థ్రిల్ కి గురిచేస్తుందని, సినిమా చూస్తున్న ఆడియన్స్ ఎవరూ కూడా ఊహించలేని విధంగా ఆ ట్విస్ట్ ఉంటుందని అంటున్నారు. మొత్తంగా వీటిని బట్టి చూస్తుంటే చాలా ఏళ్ళ తరువాత బన్నీ, సుకుమార్ లు కలిసి చేస్తున్న ఈ పుష్ప మూవీ సూపర్ హిట్ కొట్టే అవకాశం గట్టిగా ఉందని అంటున్నాయి పలు టాలీవుడ్ వర్గాలు....!!