రేపు బాలయ్యకు డబల్ బొనంజా !

Seetha Sailaja
ఎన్నికల ఫలితాలు మరి కొద్ది గంటలలో తెలియబోతుండటంతో రేపటి శుభోదయం కోసం రాజకీయ పార్టీలన్నీ టెన్షన్ గా ఎదురు చూస్తున్నాయి. ఇప్పటికే వెల్లడి అయిన మున్సిపాలిటీ పంచాయితీ ఎన్నికలలో పసుపు రంగు హవా తో తెలుగుదేశం విజయం ఇంచుమించు ఖాయం అవ్వడంతో నందమూరి సింహం బాలకృష్ణ తన హిందూపురం విజయం గురించి కలలు కంటూ రేపటి ఉదయం గురించి ఆశక్తిగా ఎదురు చూస్తున్నాడు అనే వార్తలు వస్తున్నాయి. అయితే బాలయ్యకు రేపటి ఉదయం మరో బోనస్ ను కూడా ఇవ్వబోతోంది. సింహ సినిమా తరువాత విజయాలకు ముఖం వాచిపోయిన బాలకృష్ణకు సూపర్ హిట్ ఇవ్వడమే కాకుండా టాలీవుడ్ లో బాలయ్య ఇమేజ్ ను పెంచిన ‘లెజెండ్’ సినిమా రేపటితో అర్ధ శత దినోత్సవం పూర్తి చేసుకోవడం బాలయ్యకు ఎన్నికల ఫలితాల నేపధ్యంలో డబల్ బోనస్ గా మారింది అనే మాటలు కూడ వినపడుతున్నాయి. పదేళ్ళ తరువాత తన తండ్రి స్థాపించిన తెలుగుదేశం అధికారంలోకి వస్తూ ఉంటే నాలుగేళ్ళ తరువాత బాలయ్య క్రేజ్ ను పెంచిన ‘లెజెండ్’ సరిగ్గా రేపే అర్ధ శత దినోత్సవం చేసుకోవడం యాద్రుశ్చికమే అయినా ‘లెజెండ్’ ఇచ్చిన సక్సస్ తో పాటు హిందూపురం ఇవ్వబోతున్న బహుమతి నందమూరి అభిమానులతో పాటు బాలకృష్ణకు కూడ రేపటి రోజు జీవితంలో ఏరకంగా అయినా మరిచిపోలేని రోజుగా మిగిలి పోనున్నది.   
మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

nandamuri simham legend boyapati hindupuram elections simha

సంబంధిత వార్తలు: