ఏంటీ..... మన్మధుడు - 3 కూడా రాబోతోందా.....??
టాలీవుడ్ నటుడు కింగ్ నాగార్జున హీరోగా కె. విజయ్ భాస్కర్ దర్శకత్వంలో తెరకెక్కిన సినిమా మన్మధుడు. 2002లో ప్రేక్షకుల ముందుకు వచ్చిన ఈ సినిమాలో నాగార్జున సరసన సోనాలి బింద్రే, అన్షు హీరోయిన్స్ గా నటించారు. అన్నపూర్ణ స్టూడియోస్ బ్యానర్ పై ఎంతో భారీగా నిర్మితమైన ఈ సినిమాకు కథ, మాటలు అందించింది త్రివిక్రమ్ శ్రీనివాస్. అప్పట్లో మంచి అంచనాలతో రిలీజ్ అయిన ఈ సినిమా సూపర్ హిట్ అందుకోవడం జరిగింది.
మంచి క్లాస్ సినిమాగా అన్ని వర్గాల ప్రేక్షకులను ఆకట్టుకున్న ఈ సినిమాలో నాగార్జున వండర్ఫుల్ యాక్టింగ్, హీరోయిన్స్ ఇద్దరి గ్లామర్, మ్యూజిక్, బ్యాక్ గ్రౌండ్ స్కోర్, ఎంటర్టైన్మెంట్ అంశాలు, కామెడీతో పాటు ముఖ్యంగా త్రివిక్రమ్ మార్క్ పంచెస్ వంటివి ఈ సినిమా సక్సెస్ లో కీలక పాత్ర పోషిస్తాయి. ఇక గత ఏడాది ఈ సినిమాకు సీక్వెల్ గా మన్మధుడు 2 ప్రేక్షకుల ముందుకు వచ్చింది. యువ దర్శకుడు రాహుల్ రవీంద్రన్ తెరకెక్కించిన ఈ సినిమా మాత్రం ప్రేక్షకుల అంచనాలు అందుకోలేక బాక్సాఫీస్ దగ్గర బోల్తా కొట్టింది. ఈ సినిమాలోని కథ, కథనాల్లో లోపంతో పాటు, కొన్ని సీన్స్ పై కూడా అప్పట్లో విమర్శలు తలెత్తడం జరిగింది.
ముఖ్యంగా సినిమాలో గ్రాండియర్ లుక్, భారీ స్టార్ క్యాస్టింగ్ పై శ్రద్ధ తీసుకున్న దర్శకుడు రాహుల్, సినిమాకు ప్రాణమైన కథ పై ఏ మాత్రం శ్రద్ధ పెట్టలేదని విమర్శించిన వారు కూడా ఉన్నారు. ఇక అతి త్వరలో ఈ సినిమాకు కూడా సీక్వెల్ రానుందని లేటెస్ట్ టాలీవుడ్ వర్గాల టాక్. మన్మధుడు 3 పేరుతో తెరకెక్కనున్న ఈ సినిమాని అన్నిరకాల కమర్షియల్ హంగులతో సిద్ధం చేస్తున్నాడట దర్శకుడు రాహుల్. పార్ట్ 2 ఫ్లాప్ కావడంతో, ఈ సినిమాతో ఎలాగైనా హిట్ కొట్టి ప్రేక్షకుల మెప్పు పొందాలని చూస్తున్నాడని సమాచారం. ఇప్పటికే ఈ సినిమా స్టోరీ లైన్ నాగ్ కు వినిపించిన రాహుల్, ప్రస్తుతం పూర్తి స్క్రిప్ట్ సిద్ధం చేసే పనిలో ఉన్నాడట. అన్నీ కుదిరితే ఈ ఏడాది చివర్లో ఈ సినిమా పట్టాలెక్కే ఛాన్స్ ఉందట. అయితే ప్రస్తుతం ప్రచారం అవుతున్న ఈ వార్త పై అధికారిక ప్రకటన మాత్రం వెలువడాల్సి ఉంది.....!!