ಆರ್ ಆರ್ ಆರ್ ಸಿನಿಮಾದ ನಂತರ ರಾಜಮೌಳಿಯ ಮುಂದಿನ ಸಿನಿಮಾ ಯಾವುದು..? ಇದಕ್ಕೆ ಇಲ್ಲಿದೆ ಉತ್ತರ
ಬಾಹು ಬಲಿ ಚಿತ್ರದ ಸಣ್ಣ ಬಿಡುವಿನ ನಂತರ ನಿರ್ದೇಶಕ ರಾಜಮೌಳಿ ಸದ್ಯ ಆರ್ಆರ್ಆರ್ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಈ ಸಿನಿಮಾದ ನಂತರ ಮಹೇಶ್ ಬಾಬು ಅವರ ಚಿತ್ರಕ್ಕೆ ಆಯಕ್ಷನ್ ಕಟ್ ಹೇಳೋದಾಗಿ ಘೋಷಿಸಿದ್ದಾರೆ. ಆ ಸಿನಿಮಾದಲ್ಲಿ ಟಾಲಿವುಡ್ ಸೂಪರ್ ಸ್ಟಾರ್ನ ಮಹೇಶ್ ಬಾಬುರನ್ನು ಯಾವ ಅವತಾರದಲ್ಲಿ ತೋರಿಸ್ತಾರೆ ಅನ್ನೋದು ಎಲ್ಲರ ಕುತೂಹಲಕ್ಕೆ ಕಾರಣವಾಗಿದೆ.
ರಾಜ್ ಮೌಳಿ ಮುಂದಿನ ಚಿತ್ರ ಮಹೇಶ್ ಬಾಬು ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಲಿದ್ದಾರೆ ಎಂದು ತಿಳಿದ ತಕ್ಷಣ ಈ ಫ್ಯಾನ್ ಮೇಡ್ ಪೋಸ್ಟರ್ ಕಳೆದೆರಡು ದಿನಗಳಿಂದ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ಲಾಗಿದೆ. ಮಹೇಶ್ ಬಾಬು ಶ್ರೀರಾಮನ ಪಾತ್ರದಲ್ಲಿ ಕಾಣಿಸಿಕೊಂಡ್ರೆ, ಹೇಗಿರುತ್ತೆ ಅಂತ ಊಹಿಸಿಕೊಂಡು ಅಭಿಮಾನಿಯೊಬ್ಬ ಮಾಡಿರೋ ಪೋಸ್ಟರ್ ಇದು. ಮಹೇಶ್ ಬಾಬು ರಾಮನ ಅವತಾರದಲ್ಲಿ ಬಿಲ್ಲು ಬಾಣ ಹಿಡಿದು ನಿಂತಿರುವಂತೆ ಪೋಸ್ಟರ್ ಡಿಸೈನ್ ಮಾಡಲಾಗಿದೆ.
ಫಿಕ್ಷನ್ ಫ್ಯಾಂಟಸಿ ಸಿನಿಮಾಗಳನ್ನ ಮಾಡೋದ್ರಲ್ಲಿ ಎಸ್.ಎಸ್ ರಾಜಮೌಳಿ ಸಿದ್ಧಹಸ್ತರು. ಮಹಾಭಾರತ ತಮ್ಮ ಡ್ರೀಮ್ ಪ್ರಾಜೆಕ್ಟ್ ಅಂತ್ಲೂ ಮೌಳಿ ಹೇಳಿದ್ದಾರೆ. ಆದರೆ, ರಾಮಾಯಣ ಸಿನಿಮಾ ಬಗ್ಗೆ ಅವರು ಎಂದೂ ಮಾತನಾಡಿಲ್ಲ. ಮಹೇಶ್ ಬಾಬುನ ಮೌಳಿ ಜೇಮ್ಸ್ ಬಾಂಡ್ ಅವತಾರದಲ್ಲಿ ಊಹಿಸಿಕೊಂಡು, ಕಥೆ ಮಾಡ್ತಿದ್ದಾರೆ ಅನ್ನೋ ಸುದ್ದಿ ಕೂಡ ಇದೆ. ಆದರೆ, ಯಾವುದು ಈವರೆಗೆ ಯಾವುದು ಪಕ್ಕಾ ಆಗಿಲ್ಲ.
ಹಾಲಿವುಡ್ ಸ್ಟೈಲ್ ಹೀರೋ ಮಹೇಶ್ ಬಾಬು. ತಮ್ಮ ಸಿನಿಮಾದಲ್ಲಿ ಇದೇ ರೀತಿ ಮೌಳಿ, ಟಾಲಿವುಡ್ ಪ್ರಿನ್ಸ್ನ ಪ್ರಸೆಂಟ್ ಮಾಡ್ತಾರೆ ಅನ್ನೋ ನಿರೀಕ್ಷೆ ಕೂಡ ಇದೆ. ಇದೆಲ್ಲದರ ಮಧ್ಯೆ ಈ ಫ್ಯಾನ್ ಮೇಡ್ ಪೋಸ್ಟರ್ ಸದ್ದು ಮಾಡ್ತಿದೆ. ಶ್ರೀರಾಮನ ಪಾತ್ರಕ್ಕೆ ಮಹೇಶ್ ಬಾಬುಗಿಂತ ಒಳ್ಳೆ ಆಯ್ಕೆ ಇಲ್ಲ ಅನ್ನುವ ಚರ್ಚೆ ಕೂಡ ನಡೀತಿದೆ. ಸೂಪರ್ ಸ್ಟಾರ್, ಶ್ರೀರಾಮನ ಗೆಟಪ್ನಲ್ಲಿರೋ ಪೋಸ್ಟರ್ ಎಲ್ಲರ ಗಮನ ಸೆಳೀತಿದೆ.
ರಾಜಮೌಳಿ ತಮ್ಮ ಕಥೆಗೆ ತಕ್ಕ ನಾಯಕನನ್ನ ಆಯ್ಕೆ ಮಾಡಿಕೊಳ್ತಾರೆ. ಹಾಗಾಗಿ ತಮ್ಮ ಮುಂದಿನ ಚಿತ್ರಕ್ಕೆ ಯಾವ ಕಥೆ ಸಿದ್ಧಪಡಿಸ್ತಿದ್ದಾರೆ ಗೊತ್ತಿಲ್ಲ. ಆ ಕಥೆಯಲ್ಲಿ ಮಹೇಶ್ ಬಾಬು ಪಾತ್ರ ಏನ್ ಆಗಿರುತ್ತೆ ಅನ್ನೋದು ಹೇಳೋದಕ್ಕೆ ಆಗೋದಿಲ್ಲ. ಈ ಪೋಸ್ಟರ್ ನೋಡಿದ್ಮೇಲೆ ಮೌಳಿ ರಾಮಾಯಣ ಸಿನಿಮಾ ಮಾಡುವ ಪ್ರಯತ್ನಕ್ಕೆ ಕೈ ಹಾಕಿದ್ರು ಅಚ್ಚರಿಪಡಬೇಕಿಲ್ಲ.