ಮತ್ತೊಂದು ದೃಶ್ಯವನ್ನು ತೋರಿಸಲು ಬರುತ್ತಿದೆ ದಶ್ಯಂ ಸ್ವೀಕ್ವೆಲ್ : ಅಷ್ಟಕ್ಕೂ ದೃಶ್ಯಂ ಸ್ವೀಕ್ವೆಲ್ ಯಾವ ಭಾಷೆಯಲ್ಲಿ ತಯಾರಾಗುತ್ತಿದೆ ಗೊತ್ತಾ..?
ಆ ಸಿನಿಮಾ 7 ವರ್ಷಗಳ ಹಿಂದೆ ತೆರೆಕಂಡ ಸಿನಿಮಾ ಮಾಡಿದ ಮೋಡಿಯಿಂದ ಜನರು ಫಿದಾ ಆಗಿದ್ದರು. ಹಾಗಾಘಿ ಈ ಸಿನಿಮಾವನ್ನು ಅನೇಕ ಭಾಷೆಗಗಳಲ್ಲಿ ರೀಮೇಕ್ ಮಾಡುವ ಹಕ್ಕನ್ನು ಪಡೆದು ಆಯಾ ಭಾಷೆಗಳಲ್ಲಿ ಸಿದ್ದವಾಗಿ ಚಿತ್ರರಂಗಕ್ಕೆ ಬಂದು ಪ್ರೇಕ್ಷಕರನ್ನು ಮೋಡಿ ಮಾಡಿತ್ತು. ಆದರೆ ಈಗ ಈ ಸಿನಿಮಾದ ಸ್ವೀಕ್ವೆಲ್ ಬರುತ್ತಿದ್ದು ಸಿನಿಪ್ರಿಯರ ಕುತೂಹಲ ಮತ್ತಷ್ಟು ಹೆಚ್ಚಾಗುಂತೆ ಮಾಡಿದೆ
ಹೌದು 7 ವರ್ಷಗಳ ಹಿಂದೆ ಮಾಲಿವುಡ್ನಲ್ಲಿ ಸೆನ್ಸೇಷನ್ ಕ್ರಿಯೇಟ್ ಮಾಡಿದ ಸಿನಿಮಾ ದೃಶ್ಯಂ. ಆ ನಂತರ ಕನ್ನಡ ಸೇರಿದಂತೆ ಹಲವು ಭಾಷೆಗಳಿಗೆ ಸಸ್ಪೆನ್ಸ್ ಥ್ರಿಲ್ಲರ್ ಸಿನಿಮಾ ರೀಮೇಕ್ ಆಗಿ ಸಕ್ಸಸ್ ಕಂಡಿತ್ತು. ಇದೀಗ ದೃಶ್ಯ ಸೀಕ್ವೆಲ್ ಬರೋದು ಪಕ್ಕಾ ಆಗಿದ್ದು, ಟೀಸರ್ ಸಹ ರಿವೀಲ್ ಆಗಿದೆ.
ದೃಶ್ಯಂ. ಸ್ಮಾಲ್ ಬಜೆಟ್ನಲ್ಲಿ ನಿರ್ಮಾಣವಾಗಿ ಮಾಲಿವುಡ್ ಬಾಕ್ಸಾಫೀಸ್ನಲ್ಲಿ ಧೂಳೆಬ್ಬಿಸಿದ ಸಿನಿಮಾ. ಕಂಪ್ಲೀಟ್ ಆಯಕ್ಟರ್ ಮೋಹನ್ ಲಾಲ್ ಮತ್ತು ಮೀನಾ ಚಿತ್ರದ ಮುಖ್ಯಭೂಮಿಕೆಯಲ್ಲಿ ನಟಿಸಿದರು. ಜಿತು ಜೋಸೆಫ್ ನಿರ್ದೇಶನದ ಸಿನಿಮಾ ಅಕ್ಕಪಕ್ಕದ ಇಂಡಸ್ಟ್ರಿಗಳ ಗಮನ ಸೆಳೆದಿತ್ತು.
ಬಹಳ ವರ್ಷಗಳಿಂದ ದೃಶ್ಯ ಸೀಕ್ವೆಲ್ ಬಗ್ಗೆ ಮಾತುಗಳು ಕೇಳಿಬರ್ತಿತ್ತು. ಈ ಸಣ್ಣ ಎಳೆ ಇಟ್ಟುಕೊಂಡು ಜಿತು ಜೋಸೆಫ್ ಬೊಂಬಾಟ್ ಸ್ಕ್ರೀನ್ಪ್ಲೇ ಮಾಡಿ ಪ್ರೇಕ್ಷಕರು ಸೀಟಿನ ತುದಿಗೆ ಬಂದು ಕೂರುವಂತೆ ಮಾಡಿದರು. ದೃಶ್ಯ ಸಿನಿಮಾ ಮಾಲಿವುಡ್ನಲ್ಲಿ ಹೊಸ ದಾಖಲೆ ಬರೀತು.
ಕ್ರೇಜಿಸ್ಟಾರ್ ರವಿಚಂದ್ರನ್, ನವ್ಯ ಕಾಂಬಿನೇಷನ್ನಲ್ಲಿ ಪಿ. ವಾಸು ದೃಶ್ಯ ಚಿತ್ರವನ್ನ ಕನ್ನಡಕ್ಕೆ ರೀಮೇಕ್ ಮಾಡಿದ್ರು.. ಕನ್ನಡದಲ್ಲೂ ಸಿನಿಮಾ ಸಕ್ಸಸ್ ಆಯ್ತು. ತೆಲುಗಿನಲ್ಲಿ ವೆಂಕಟೇಶ್- ಮೀನಾ, ತಮಿಳಿನಲ್ಲಿ ಕಮಲ್- ಗೌತಮಿ, ಹಿಂದಿಯಲ್ಲಿ ಅಜಯ್ ದೇವಗನ್- ಶ್ರಿಯಾ ಸರಣ್ ಹೀಗೆ ಸೌತ್ ಮಾತ್ರವಲ್ಲದೇ ಬಾಲಿವುಡ್ಗೂ ದೃಶ್ಯಂ ಸಿನಿಮಾ ರೀಮೇಕ್ ಆಯ್ತು.
ಬರೀ ಭಾರತೀಯ ಭಾಷೆಗಳು ಮಾತ್ರವಲ್ಲದೇ ಸಿಂಹಳಿ ಮತ್ತು ಮ್ಯಾಂಡ್ರಿನ್ ಭಾಷೆಗಳಿಗೂ ದೃಶ್ಯ ಸಿನಿಮಾ ರೀಮೇಕ್ ಆಗಿತ್ತು. ಇತ್ತೀಚಿನ ವರ್ಷಗಳಲ್ಲಿ ಒಂದು ಸಿನಿಮಾ ಇಷ್ಟು ಭಾಷೆಗಳಿಗೆ ಅದ್ರಲ್ಲೂ ಮ್ಯಾಂಡ್ರಿನ್ ಭಾಷೆಗೆ ರೀಮೇಕ್ ಆಗಿದ್ದು ಇದೇ ಮೊದಲು. ಇಷ್ಟು ಭಾಷೆಗಳಿಗೆ ರೀಮೇಕ್ ಆಗಿ ಸಕ್ಸಸ್ ಕಂಡಿರೋ ಚಿತ್ರದ ಸೀಕ್ವೆಲ್ ಬರುತ್ತೆ ಅಂದ್ರೆ, ಸಹಜವಾಗಿಯೇ ಕುತೂಹಲ ಮೂಡುತ್ತದೆ.
ದೃಶ್ಯಂ ಕ್ಲೈಮ್ಯಾಕ್ಸ್ನಲ್ಲೇ ಸೀಕ್ವೆಲ್ ಬಗ್ಗೆ ಸುಳಿವು ಕೊಟ್ಟಿತ್ತು ಚಿತ್ರತಂಡ. ಮತ್ತೊಮ್ಮೆ ಜಿತು ಜೋಸೆಫ್ ಮತ್ತು ಮೋಹನ್ ಲಾಲ್ ಜೊತೆಯಾಗಿರೋದ್ರಿಂದ ಸೀಕ್ವೆಲ್ ಬಗ್ಗೆ ಭಾರೀ ನಿರೀಕ್ಷೆಯಿದೆ. ಲಾಕ್ಡೌನ್ ಮುಗಿದು ಶೂಟಿಂಗ್ಗೆ ಅನುಮತಿ ಸಿಕ್ಕಿದ ಕೂಡಲೇ ದೃಶ್ಯಂ ಸಿನಿಮಾ ಶುರುವಾಗಲಿದೆ. ಮಲಯಾಳಂನಲ್ಲಿ ಒಂದು ವೇಳೆ ಸಿನಿಮಾ ಸಕ್ಸಸ್ ಆದ್ರೆ, ಇತರೆ ಭಾಷೆಗಳಿಗೂ ರೀಮೇಕ್ ಆಗುವ ಸಾಧ್ಯತೆಯಿದೆ.