ഇന്ത്യന് 2ന്റെ ഷൂട്ടിങ് ലൊക്കേഷനിലുണ്ടായ അപകടത്തില് സംവിധായകന് ശങ്കറിന് പരിക്ക് .
കമല്ഹാസന്റെ പുതിയ ചിത്രമായ ഇന്ത്യന് 2ന്റെ ഷൂട്ടിങ് ലൊക്കേഷനിലുണ്ടായ അപകടത്തില് സംവിധായകന് ശങ്കറിന് പരിക്ക് .
ശങ്കറിന്റെ ആരോഗ്യനിലയെ കുറിച്ച് കൂടുതല് വിവരങ്ങള് ലഭ്യമല്ല. സംവിധാന സഹായികളായ മധു(29), കൃഷ്ണ(34), നൃത്ത സഹ സംവിധായകന് ചന്ദ്രന്(60) എന്നിവര് അപകടത്തില് മരിച്ചിരുന്നു.
പതിനൊന്നോളം പേര്ക്ക് ഗുരുതരമായി പരിക്കേറ്റു. ഇവരെ സമീപത്തെ സ്വകാര്യ ആശുപത്രിയില് പ്രവേശിപ്പിച്ചു എന്നാണ് റിപ്പോർട്ട്.
പൂനമല്ലി നസറത്ത് പേട്ടയിലെ ഇവിപി ഫിലിം സിറ്റിയില് ആണ് അപകടം ഉണ്ടായത്.
ഒരു ഗാനരംഗം ചിത്രീകരിക്കാനുള്ള തയ്യാറെടുപ്പിന് മുന്നോടിയായി ഇന്നലെ വൈകിട്ടു മുതല് സെറ്റ് ഇടുന്ന ജോലി നടന്നുവരികയായിരുന്നു.
ഇതിനിടെ ക്രെയിനിന്റെ മുകളില് കെട്ടിയിരുന്ന ഭാരമേറിയ വലിയ ലൈറ്റുകള് ചെരിഞ്ഞു വീണതാണ് അപകടത്തിനിടയാക്കിയത്. ക്രെയിനിന്റെ അടിയില്പ്പെട്ട മൂന്നുപേര് തല്ക്ഷണം മരിച്ചു.
അപകടത്തെത്തുടര്ന്ന് ഷൂട്ടിങ് നിര്ത്തിവെച്ചു. സംഭവ സമയത്ത് നടന് കമല്ഹാസനും സെറ്റില് ഉണ്ടായിരുന്നു