అల్లు అర్జున్ ఒత్తిడికి దిగివచ్చిన మహేష్ !
‘అల వైకుంఠపురములో’ మూవీ ప్రమోషన్ ఇప్పటికే పరుగులు తీస్తున్న నేపధ్యంలో ‘సరిలేరు నీకెవ్వరు’ మూవీ ప్రమోషన్ ను మొదలు పెడదామని దర్శకుడు అనీల్ రావిపూడి ఎన్ని సార్లు చెప్పినా మహేష్ సహకరించలేదు అన్న వార్తలు వచ్చాయి. దీనికి కారణం హడావిడిగా ‘సరిలేరు నీకెవ్వరు’ సినిమా ప్రమోషన్ ను కూడ మొదలుపెడితే అది బన్నీ సినిమాకు భయపడినట్లు అవుతుందనీ ఇప్పటి వరకు మహేష్ వాదిస్తూ వచ్చాడని టాక్.
అయితే ఈ విషయానికి సంబంధించి ఈ మూవీ బయ్యర్ల నుండి కూడ ఒత్తిడి పెరిగిపోవడంతో మహేష్ ఒక మెట్లు దిగినట్లు సమాచారం. తెలుస్తున్న సమాచారం మేరకు అనీల్ రావిపూడి ‘సరిలేరు నీకెవ్వరు’ సినిమాకు పబ్లిసిటీ కంటెంట్ చాలా రెడీ పెట్టినట్లు టాక్.
టీజర్ పాటలు చిన్నచిన్న విడియోలు ఇలా చాలాచాల ఈ సినిమాకు సంబంధించి అనీల్ రావిపూడి దగ్గర రెడీగా ఉన్న నేపధ్యంలో వారానికి ఒకటి విడుదల చేసినా అవన్నీ డిసెంబర్ చివరి వరకు వస్తాయని అనీల్ రావిపూడి ధైర్యం చెప్పడంతో మహేష్ తన మూవీ ప్రమోషన్ ను నవంబర్ రెండవ వారం నుండి మొదలు పెట్టడానికి గ్రీన్ సిగ్నల్ ఇచ్చినట్లు టాక్. దీనితో ఈ మూవీ పబ్లిసిటీ టీమ్ ఈ మూవీ ప్రమోషన్ కు సంబంధించిన డేటుడే చార్ట్ ప్రిపేర్ చేసే పనిలో బిజీగా ఉన్నట్లు తెలుస్తోంది.
ఇది ఇలా ఉండగా ఈ మూవీ పాటల చిత్రీకరణ కోసం ఈ మూవీ టీమ్ కేరళలోని పొలాచి వెళ్లి అక్కడ నవంబర్ 5 నుండి షూటింగ్ మొదలు పెట్టబోతున్నట్లు తెలుస్తోంది. గతంలో పోలాచీలో షూట్ చేసిన ‘శ్రీమంతుడు’ ‘భరత్ అనే నేను’ ‘మహర్షి’ సూపర్ హిట్ అయిన నేపధ్యంలో ఆ సెంటిమెంట్ ను కూడ ‘సరిలేరు నీకెవ్వరు’ కు ఉపయోగిస్తున్నట్లు తెలుస్తోంది. కొన్ని యాక్షన్ సీన్స్ తో పాటు మహేష్ రష్మికల పై ఒక పాటను ఇక్కడ తీయబోతున్నట్లు సమాచారం..