వెంకీని డామినేట్ చేస్తున్న రామ్ !
వెంకటేష్ రామ్ లు కలిసి నటిస్తున్న మల్టీ స్టారర్ సినిమా ‘మసాల’ నిర్మాణం ఎప్పుడో పూర్తి అయిపోయినా రాష్ట్రంలో జరుగుతున్న రాజకీయ ఉద్యమాల నేపధ్యంలో రిలీజ్ వాయిదా పడుతూ వచ్చింది. అయితే పవన్ సినిమా అన్ని సినిమాలకు దారి చూపడంతో ప్రస్తుతం ఈ సినిమా కూడా రిలీజ్ కు రెడీ అవుతోంది. ఈ మధ్యనే ఈ సినిమా పాటలు టీజర్ కూడా విడుదల అయ్యాయి.
ఈ సినిమా రషస్ చూసినవారు మాత్రం ఈసినిమాలో వెంకటేష్ పాత్రకన్నా రామ్ పాత్ర బాగా వచ్చిందనీ ప్రతి సీన్ లోను వెంకీ కన్నా రామ్ బాగా నటించాడని రెండు విభన్నమైన పాత్రలు రామ్ మసాలలో బాగా చేసి రాణించాడని అంటున్నారు. ఈ సినిమా విడుదలై హిట్ టాక్ తెచ్చుకుంటే వెంకీ కన్నా రామ్ కే ప్రేక్షకులు ఎక్కువ మార్కులు వేస్తారని అంటున్నారు. ఇప్పటికే ‘షాడో’ సినిమాతో దిగాలు పడ్డ వెంకీకి ‘ఒంగోలు గిత్త’ తో నిరాశ పడ్డ రామ్ కు ఈ సినిమా విజయం చాల అవసరం. నవంబర్ మొదటి వారంలో రాబోతున్న ఈ సినిమా పై ప్రేక్షకులు ఎలాంటి తీర్పు ఇస్తారో చూడాలి...