'ఆర్ఆర్ఆర్' మూవీ అప్ డేట్స్ ఇస్తాను అంటోంది....!!
ప్రస్తుతం దర్శకధీరుడు రాజమౌళి దర్శకత్వంలో యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ హీరోలుగా రూపొందుతున్న భారీ బడ్జెట్ చిత్రం ఆర్ఆర్ఆర్. ఇక ఈ సినిమా ప్రస్తుతం శరవేగంగా షూటింగ్ జరుపుకుంటోంది. రామ్ చరణ్ సరసన అలియా భట్ హీరోయిన్ గా నటిస్తున్న ఈ సినిమాలో ఎన్టీఆర్ ప్రక్కన నటించే హీరోయిన్ గా ఇదివరకు హాలీవుడ్ నటి ఎడ్గార్ జోన్స్ ని ఎంపిక చేసారు.
అయితే కొన్ని అనివార్య కారణాల వలన ఆమె సినిమా నుండి తప్పుకోవడంతో, వేరొక హీరోయిన్ వేటలో పడింది సినిమా యూనిట్. ఇకపోతే ఈ సినిమాకు కూడా తన టెక్నీకల్ టీమ్ నే కొనసాగిస్తున్న రాజమౌళి, తెలుగుతో పాటు కొందరు ఇతర భాష నటులను కూడా తీసుకున్నట్లు సమాచారం. ఇక ఇప్పటివరకు ఈ సినిమాకు సంబంధించి అసలు టైటిల్ కూడా అనౌన్స్ కాకపోవడంతో ప్రేక్షకులందరూ ఈ సినిమా అప్ డేట్స్ కోసం ఎంతో ఆశగా ఎదురుచూస్తున్నారు. ఇక ఈ సినిమాలో ఒక హీరోయిన్ గా నటిస్తున్న అలియా భట్,
నిన్న తన పేరు మీద యూట్యూబ్ లో ఒక ఛానల్ ని ఓపెన్ చేసింది. తన ఛానల్ ద్వారా ఎప్పటికపుడు ఫ్యాషన్ ట్రెండ్స్, తన వ్యక్తిగత విషయాలతో పాటు, అందరూ ఎంతగానో ఆశగా ఎదురుచూస్తున్న తమ సినిమా ఆర్ఆర్ఆర్ సినిమా అప్ డేట్స్ కూడా తన ఫ్యాన్స్ కు అప్ డేట్ చేస్తాను అంటోంది. అయితే తన ఛానల్ ను అందరూ సబ్ స్క్రైబ్ చేసుకుని ఆదరించాలని ఆమె కోరుతోంది. మరి అలియా ప్రారంభించిన తన యూట్యూబ్ ఛానల్ ఎంతవరకు సక్సెస్ అవుతుందో చూడాలి....!!