ಇದು ರಾಧಿಕಾ ಪಂಡಿತ್ ಕಂ ಬ್ಯಾಕ್ ಸಿನಿಮಾ
ರಾಧಿಕಾ ಪಂಡಿತ್ ಮದುವೆ ಆದ ಮೇಲೆ ಯಾವ ಸಿನಿಮಾದಲ್ಲಿ ಅಭಿನಯಿಸುತ್ತಾರೆ ಅಂತ ಕುತೂಹಲ ಎಲ್ಲರಲ್ಲೂ ಮನೆ ಮಾಡಿತ್ತು. ಆದರೆ ಈಗಾಗಲೇ ರಾಧಿಕಾ ಪಂಡಿತ್ ಅವರು ಆದಿ ಲಕ್ಷ್ಮೀ ಪುರಾಣ ಚಿತ್ರದಲ್ಲಿ ಅಭಿನಯಿಸ್ತಾ ಇರೋದು ನಿಮಗೆಲ್ಲ ಗೊತ್ತೆ ಇದೆ. ರಾಕ್ ಲೈನ್ ವೆಂಕಟೇಶ ಈ ಚಿತ್ರದ ನಿರ್ಮಾಣ ಜವಾಬ್ದಾರಿ ಹೊತ್ತಿದ್ದಾರೆ.
ಮಣಿರತ್ನಂ ಅವರ ಜೊತೆಗೆ ಹಲವು ಸಿನಿಮಾಗಳಲ್ಲಿ ನಿರ್ದೇಶನದ ಅನುಭವ ಪಡೆದಿರುವ ಪ್ರಿಯಾ ವಿ ಈ ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಇದು ಪ್ರಿಯಾ ನಿರ್ದೇಶನ್ ಮೊದಲ ಕನ್ನಡ ಸಿನಿಮಾ. ಇನ್ನೇನು ಚಿತ್ರ ಬಿಡುಗಡೆ ಹಂತಕ್ಕೆ ಈಗಾಗಲೇ ಬಂದಿದೆ.
ಇದೇ ಜೂನ್ 21 ರಂದು ಚಿತ್ರ ಆಡಿಯೋ ಬಿಡುಗಡೆ ಇದೆ. ಮುಂದಿನ ತಿಂಗಳು ಸಿನಿಮಾ ತೆರೆ ಮೇಲೆ ಬರಲಿದೆ. ಈ ಚಿತ್ರದಲ್ಲಿ ನಿರೂಪ್ ಭಂಡಾರಿ ನಾಯಕ‌ನಾಟನಾಗಿ ಅಭಿನಯಿಸಿದ್ದಾರೆ. ಇದನ್ನು ರಾಧಿಕಾ ಪಂಡಿತ್ ಅವರ ಕಂ ಬ್ಯಾಕ್ ಸಿನಿಮಾ ಎನ್ನಬಹುದು.