కుక్కపిల్ల కోసం బ్రతుకుతున్న చెర్రీ
సెలబ్రిటీలు ఏమి చేసినా అది ప్రముఖ వార్తే. ముఖ్యంగా టాలీవుడ్ సెలబ్రిటీ ఫ్యామిలీ మెగా కుటుంబం ఏదైనా ఒక విషయం చేసింది అని తెలిస్తే ఇక మీడియా కు ఆరోజు పండుగే. ఆ వార్తలతో ప్రింట్ మీడియా, వెబ్ మీడియా, ఛానల్స్ రోజంతా గడిపేస్తారు. ప్రస్తుతం మెగా కుటుంబం లో అటువంటి సంఘటన ఒకటి జరిగింది. రామ్ చరణ్ ను పెళ్లి చేసుకున్నాక ఉపాసన చెర్రి మొట్టమొదటి పుట్టినరోజు న అతడికి ఒక అరుదైన బహుమతి ని ఇవ్వాలని అనుకుంది.
అంతే ఆమె చరణ్ కోసం విదేశాల నుంచి ఒక మంచి మేలుజాతి శునకాన్ని తీసుకువచ్చి, చరణ్ పుట్టిన రోజుకు కానుకగా అందజేసింది. చరణ్ దగ్గరకు వచ్చిన రెండు రోజులలోనే ఆ కుక్కపిల్ల చెర్రి కి బాగా దగ్గర అయింది. అంతేకాదు ఆ కుక్కపిల్ల కోసం ప్రస్తుతం చరణ్ పూర్తి శాకాహారి గా మారిపోయాడు. ఈ కధలో ఇదేమి ట్విస్ట్ అనుకుంటున్నారా...? ఉపాసన ఎంతో ప్రేమతో ఇచ్చిన ఈ కుక్కపిల్ల కు చెర్రి బ్రాట్ అని పేరుపెట్టి అల్లారు ముద్దుగా చూసుకుంటూ ఉంటె, ఈమధ్య ఈ శునక౦ కాలికి పెద్ద దెబ్బ తగిలిందట. దీనితో చెర్రి – ఉపాసన లు దగ్గర ఉండి ఆ కుక్కపిల్ల కు ఆపరేషన్ చేయి౦చి కాలిలో రాడ్ కూడా వేయి౦చారట. ఆ కుక్కకు ఆరోగ్యం చేకూరేదాకా తాను మాంసం ముట్టనని చెర్రి తన ఇష్టదైవం పై ప్రమాణం కూడా చేశాడట.
ఇంత కధకు సినిమా కధలో ఒక ఫ్లాష్ బ్యాక్ కూడా ఉంది. గతంలో చెర్రి దగ్గర లాబ్రిడార్ అనే కుక్క పిల్ల ఉండేదట. ఆ కుక్కపిల్ల కూడా అనుకోకుండా రోడ్డు ప్రమాదంలో చనిపోవడంతో చలించిపోయిన చెర్రి, అప్పట్లో ఆ కుక్క గురించి నాలుగు రోజులు అన్నపానియాలు మాని బెంగ పెట్టుకున్నాడట. మళ్ళి చాలాకాలం తరువాత రామ్ చరణ్ దగ్గరకు వచ్చిన మరొక కుక్కపిల్ల కు ఇలా ప్రమాదం జరిగింది. దీనిని బట్టి చూస్తే, చెర్రి జాతకానికి కుక్కపిల్లలు కలిసి రావేమో అనిపిస్తుంది.