சார்லி தமிழ் ரீமேக்கிற்கு முன்பு மாதவன் நடிக்கவுள்ள புது படம் என்ன?
நடிகர் மாதவன் மலையாளத்தில் வெளிவந்த 'சார்லி' திரைப்படத்தின் தமிழ் ரீமேக்கில் நடிக்க ஒப்பந்தமாகியுள்ளார். இந்த படத்தை ஏ.எல்.விஜய் இயக்கவுள்ளார் ஆகியவற்றை நாம் முன்பே அறிந்தோம்.
இதையடுத்து 'சார்லி' திரைப்பட தமிழ் ரீமேக்கிற்கு முன்பு, மாதவன் ஒரு புது தமிழ் திரைப்படத்தில் நடிக்க உள்ளதாக தற்போது தகவல்கள் வந்துள்ளன. இந்த படத்தை 'களவாணி', 'வாகை சூட வா', 'சண்டி வீரன்' உள்ளிட்ட திரைப்படங்களை இயக்கிய சற்குணம் இயக்கவுள்ளார்.
இந்த படத்தின் படப்பிடிப்பு, வெளிநாட்டில் நடைபெறவுள்ளது. இதில் நடிப்பதற்காக மாதவன் தற்போது உடல் எடை மெலிந்து வருகிறார். மேலும் இதன் படப்பிடிப்பு விரைவில் தொடங்கவுள்ளதாக கூறப்படுகிறது.
பெயரிடப்படாத இந்த படத்தை முடித்த பிறகு, மாதவன் 'சார்லி' ரீமேக்கில் நடிக்கத் தொடங்குவார்.மேலும் இந்த படத்தை அடுத்து அவர் விஜய் சேதுபதி உடன் இணைந்து ஒரு புது படம் நடிக்கவுள்ளார் என்பது குறிப்பிடத்தக்கது.