కత్తిలాంటోడు ఫస్ట్ లుక్ కత్తిలా ఉంది..!
మెగాస్టార్ చిరంజీవి నటించబోతున్న 150వ సినిమా కత్తిలాంటోడు ఫస్ట్ లుక్ అప్పుడే నెట్లో హల్ చల్ చేస్తుంది. అయితే అది అఫిషియల్ గా రిలీజ్ చేసిందా లేక లీక్ అయ్యిందా లేక ఫ్యాన్స్ మేడెడ్ పోస్టరా అన్నది ఇంకా తెలియలేదు. కాని పోస్టర్ మాత్రం అదరగొట్టేస్తుంది. అభిమానులు కత్తిని ఎలా ఉండాలనుకుంటునారో అలా దించేశారు దర్శక నిర్మాతలు.
అయితే విజయ్ నటించిన కత్తి సినిమా రీమేక్ గా వస్తున్న ఈ కత్తిలాంటోడు కథ కథనాలు అలానే ఉండవట చాలావరకు సినిమా మార్చేశారని తెలుస్తుంది. అయితే రిలీజ్ అయిన ఫస్ట్ లుక్ పోస్టర్ మాత్రం విజయ్ కత్తి డిజిటల్ పోస్టర్ యాజిటీజ్ దించేశారు. లైకా ప్రొడక్షన్స్, రాం చరణ్ కలిసి నిర్మిస్తున్న ఈ సినిమాలో నయనతార హీరోయిన్ గా అనుకుంటున్నారు.
అయితే హీరోయిన్ విషయంలో ఇంకా ఏ క్లారిటీ రాలేదు. దేవి శ్రీ ప్రసాద్ మ్యూజిక్ అందిస్తున్న ఈ సినిమాను వినాయక్ డైరెక్ట్ చేస్తున్నాడు. మరి పోస్టర్ తో అయితే కత్త్లాంటోడు కేక పెట్టించేస్తున్నాడు మరి అది అసలు నిజమైందా కాదా అన్నది తెలియాలంటే కొద్ది రోజులు ఆగాల్సిందే.
ఇక ఈ సినిమా ఈ నెల 29న స్టార్ట్ చేస్తున్నారు చిత్రయూనిట్. ఇప్పటికే సినిమాకు సంబందించిన ప్రీ ప్రొడక్షన్ కార్యక్రమాలు అన్ని జరుపుకున్నారు. దాదాపు 7 ఏళ్ల తర్వాత మెగాస్టార్ సోలో హీరోగా వస్తున్న ఈ సినిమా ఏ రేంజ్ హిట్ అవుతుందో చూడాలి.