ఎబ్బే పవర్ తగ్గిందంటున్నారండీ..!!
పవర్ స్టార్ సినిమా అంటే అభిమానుల్లో అదో ఎనర్జీ.. సినిమానే కాదు టీజర్, ట్రైలర్ ఇలా పవర్ స్టార్ పోస్టర్ వచ్చినా తెగ హడావిడి చేయడం ఫ్యాన్స్ కు అలవాటు. అలా హడావిడి చేయడం కూడా పవర్ స్టార్ ఫ్యాన్స్ కు సరదా.. అయితే ప్రస్తుతం సర్ధార్ గబ్బర్ సింగ్ సినిమాకు మాత్రం ఈ హడావిడి కాస్త తగ్గిందని అనిపిస్తుంది. సినిమా ఎప్పుడో స్టార్ట్ అయ్యింది.
మధ్యలో దర్శకులు మారడం.. కెమెరా మెన్ లు మారడం ఇలా సర్ధార్ మీద గుడ్ ఇంప్రెషన్ పోయేలా చేశారు. రీసెంట్ గా పోస్టర్స్ తో అభిమానులను హుశారెత్తేలా చేసినా సినిమా ఎందుకో మొదటి పార్ట్ అంత హిట్ సాధిస్తుందా లేదా అనే డౌట్ పవర్ స్టార్ అభిమానుల్లోనూ మొదలైంది. అదీగాక సినిమాలో పవన్ పూర్తిగా వేలు పెట్టెస్తున్నాడని తెలుస్తుంది.
ఇక ఏ అంచనా మీద ఈ ఆలోచనకు వస్తున్నారంటే.. సంక్రాంతి సందర్భంగా ఈరోజు సర్ధార్ గబ్బర్ సింగ్ సంబంధిచిన టీజర్ రిలీజ్ చేశారు చిత్ర యూనిట్. లుంగీ మీద నడిచి వస్తూ గబ్బర్ సింగ్ బ్యాక్ గ్రౌండ్ ప్లే చేస్తు వదిలిన టీజర్ పర్వాలేదనిపించేలా ఉన్నా సరికొత్తగా ఏదన్నా కనిపిస్తాడనుకున్న ఫ్యాన్స్ మాత్రం కాస్త నిరాశ పడుతున్నారు. పవన్ నుండి ఇంకా ఏదో ఆశిస్తున్న ఫ్యాన్స్ ఈ టీజర్ తో కాస్త ఇబ్బంది పడుతున్నారు.
పవర్ తో తన సత్తా చాటుకున్న బాబీ డైరెక్ట్ చేస్తున్న ఈ సినిమాకు గబ్బర్ సింగ్ కు మ్యూజిక్ అందించిన దేవిశ్రీ ప్రసాద్ సంగీతం అందిస్తున్నాడు. ఈరోస్ ఇంటర్నేషనల్ సమర్పణలో నార్త్ స్టార్ బ్యానర్లో శరత్ మారర్ సర్ధార్ గబ్బర్ సింగ్ ను నిర్మిస్తున్నారు. ప్రస్తుతం హైదరాబాద్ పరిసర ప్రాంతాల్లో షూటింగ్ జరుపుకుంటున్న ఈ సినిమా ఏప్రిల్ లో రిలీజ్ అయ్యే అవకాశాలు ఉన్నాయి.