మురగదాస్ మాటలను లెక్కచేయని చిరంజీవి ?
చిరంజీవి సినిమా కెరియర్ లో ‘కత్తి’ సినిమా రీమేక్ సృష్టిస్తున్న గందరగోళం ఇన్ని దశాబ్దాల చిరంజీవి కెరియర్ లో ఏ సినిమా సృష్టించి ఉండదు. గత రెండు సంవత్సరాలుగా చిరంజీవి 150వ సినిమా వ్యవహారం మీడియాకు హాట్ టాపిక్ గా మారడంతో రకరకాల గాసిప్పులు విశ్లేషణలతో చిరంజీవి సినిమాలలో నటించకపోయినా చిరంజీవి న్యూస్ ను హాట్ న్యూస్ గా మార్చి నానా హడావిడి మీడియాలో జరుగుతోంది.
నిర్మాత ‘ఠాగూర్’ మధు ‘కత్తి’ సినిమా రీమేక్ హక్కులను కొన్న దగ్గర నుంచి ఆ సినిమా తెలుగులో రీమేక్ కాకుండానే హాట్ టాపిక్ గా మారిపోయింది. రకరకాల ట్విస్టులు తీసుకుని ఎట్టకేలకు చిరంజీవి 150వ సినిమాగా రూపొందుతున్న ఈసినిమా రీమేక్ పనులు ఇప్పుడు చురుకుగా జరుగుతున్న విషయంతెలిసిందే. చిరంజీవికి అత్యంత సన్నిహితులు పరుచూరి సోదరులు ఈసినిమా స్క్రిప్ట్ ను చిరంజీవి అభిమానులకు నచ్చే విధంగా మార్చే పనిలో బిజీగా ఉన్నారు అన్న విషయం తెలిసిందే.
అయితే ఆ సక్తికర విషయం ఏమిటంటే ‘కత్తి’ సబ్జెక్ట్ చిరంజీవికి సూట్ కాదని కొందరు సన్నిహితులు సూచనలు ఇస్తున్నట్లు టాక్. ఆఖరికి ‘కత్తి’ ఒరిజినల్ సినిమా దర్శకుడు మురగదాస్ ఈ రీమేక్ లో చిరంజీవి కాకుండా ఎవరైనా టాలీవుడ్ యంగ్ హీరో చేస్తే బాగుంటుంది అని అది చిరంజీవికి పెద్దగా సూట్ కాదని తన సన్నిహితుల వద్ద కామెంట్ చేసినట్లు టాక్.
ఈకామెంట్స్ చిరంజీవి దృష్టి వరకు రావడంతో ఈ కామెంట్స్ ను పట్టించు కోకుండా ‘కత్తి’ రీమేక్ విషయంలో తనకు రెండవ ఆలోచన లేదని ఈసినిమా స్క్రిప్ట్ ను తనకు అనుకూలంగా మార్చుకుని సూపర్ హిట్ కొట్టగల నమ్మకం తనకు ఉంది అని చిరంజీవి తన సన్నిహితుల వద్ద కామెంట్ చేస్తున్నట్లు టాక్. అయితే చిట్టచివరి వరకు చిరంజీవి ఇదే మాట పై ఉంటాడా ? లేదంటే తిరిగి యూటర్న్ తీసుకుంటాడా ? అనే ఆ శక్తికర చర్చలు జరుగుతున్నాయి..