విలక్షణ నటుడు సాయికుమార్.. పడిన కష్టాలు తెలిస్తే కన్నీల్లాగవు?
ఒకప్పుడు హీరోగా నటించి ఎన్నో సినిమాలతో సూపర్ హిట్స్ అందుకున్నాడు సాయికుమార్ ఇక తన గాత్రంతో ఇతర హీరోలకు కూడా వాయిస్ అందించి డబ్బింగ్ ఆర్టిస్ట్ గా కూడా తనకంటూ ప్రత్యేకమైన గుర్తింపు సంపాదించుకున్నాడు. అయితే సినీ బ్యాగ్రౌండ్ లేకుండా ఎంట్రీ ఇచ్చిన సాయికుమార్ మొదట్లో ఎన్నో ఇబ్బందులు ఎదుర్కొన్నానని తెలియజేశారు. సాయికుమార్ కాలేజీలో చదువుకుంటున్న రోజుల్లో తన తండ్రి చెప్పిన మాటలను పదేపదే గుర్తు చేసుకునేవాడట. ఇక కనీసం తినడానికి తిండి లేక మంచినీళ్లు తాగి పుస్తకాలు చదువుకున్న రోజులు కూడా ఉన్నాయని సాయికుమార్ చెప్పుకొచ్చారు.
ఓ రోజు కాలేజీ నుంచి ఇంటికి వెళ్లిన సమయంలో బాగా ఆకలి వేయగా ఇక వంట గదిలోకి వెళ్లి చూస్తే ఒకరికి సరిపడా అన్నము ఉండడంతో అది తినేసి వచ్చి బయట కూర్చున్నారట సాయికుమార్. కానీ అప్పటికే అక్కడ పడుకున్న సాయికుమార్ తండ్రి శర్మ నిద్ర పట్టక అటు ఇటు కదులుతున్నారట. దీంతో భార్య కృష్ణ జ్యోతి అక్కడికి వచ్చి కాస్త తిని పడుకోమంటే వినలేదు ఇప్పుడు నిద్ర పట్టక ఇబ్బంది పడుతున్నారు అంటూ అనడంతో ఆ మాటలు విన్న సాయికుమార్ ఒక్కసారిగా కళ్ళల్లో నీళ్లు తిరిగాయట. తాను తిని పడుకుంటే ఇక తన కొడుకు సాయికుమార్ ఏం తింటాడు అని ఆలోచనతోనే తండ్రి ఇక ఆకలేసిన పస్తులు ఉన్నాడు అన్న విషయం తెలిసి ఒక్కసారిగా షాక్ అయ్యాడట. ఇప్పటికీ కూడా బాగా ఆకలి వేసినప్పుడు అన్నాన్ని చూస్తే తన తల్లిదండ్రులు గుర్తుకు వస్తారట. రేడియోలో వాయిస్ చెప్పడం మొదలు పెట్టిన సాయికుమార్ ఇప్పుడు ఇండస్ట్రీలో స్టార్ గా కొనసాగుతున్నారు.