ఫ్యాన్స్ ను నిరాశపరిచిన "అర్జున్ రెడ్డి" డైరెక్టర్ ?
సినిమా పట్ల ప్రేక్షకుల నుండి వస్తున్న స్పందన ప్రకారం... ఈ సినిమా గురించి కొన్ని విషయాలు ఇక్కడ పంచుకుంటున్నాము.
గిరీశయ్య ఈ సినిమా ద్వారా ఒక మంచి ఫ్యామిలీ, లవ్ , ఎమోషనల్ కథను చెప్పడానికి చాలా చక్కగా ప్రయత్నించాడు. ఈ సినిమాలో వైష్ణవ్ తేజ్ రిషి పాత్రలో చాలా బాగా నటించాడు, రాధ పాత్రలో హీరోయిన్ గా చేసిన కేతిక శర్మ లుక్స్ పరంగా పర్వాలేదనిపించినా, నటనలో మాత్రం ఇంకా డెవలప్ కావాల్సి ఉంది. ఇక ఓవరాల్ గా కెప్టెన్ అఫ్ ది షిప్ గిరీశయ్య గురించి మాట్లాడుకుంటే... కథలో కొత్తదనం లేకపోవడం ప్రధాన సమస్య అని చెప్పాలి. ఈ సినిమా చూశాక ప్రతి ప్రేక్షకుడికి మొత్తం నాలుగు సినిమాలు గుర్తుకు రావడం పక్కా అని తెలుస్తోంది. నువ్వు లేక నేను లేను, నువ్వే కావాలి, ఆనందం మరియు నిన్నే పెళ్లాడుతా సినిమాలు అన్నీ కలబోసి తీసిన సినిమాగా రంగ రంగ వైభవంగా ఉందని టాక్ వినిపిస్తోంది.
ఫ్యామిలీ మూవీ కాబట్టి ఈ సినిమాను కొంతమంది ప్రేక్షకులు ఇవన్నీ మరిచిపోయి ఎంజాయ్ చేసే అవకాశం ఉంది.
అయితే బయట వినిపిస్తున్న టాక్ ప్రకారం అర్జున్ రెడ్డి లాంటి కథను డీల్ చేసిన గిరీశయ్య నుండి ఈ విధమైన టేకింగ్ ను, స్క్రీన్ ప్లే ను అస్సలు ఊహించలేదు అంటున్నారు. మరి చూద్దాం ప్రేక్షకులు ఈసినిమాను ఆదరిస్తారా లేదా అన్నది తెలియాలంటే వారాంతం వరకు ఆగాల్సిందే.