లైగర్ గురించి మైక్ టైసన్ మర్చిపోయాడుగా.. వైరల్ వీడియో?
బాక్సింగ్ లెజెండ్ మైక్ టైసన్ నటించడంతో ఈ సినిమాలో అతని పాత్ర ఎంతో కీలకంగా ఉంటుందని అంతే కాదు విజయ్ దేవరకొండ టైసన్ మధ్య ఫైట్ కూడా ఒక రేంజ్లో ఉంటుందని ఎంతోమంది అంచనాలు పెట్టుకున్నారు. కాని చివరలో కేవలం కొన్ని నిమిషాల పాటు కనిపించాడు మైక్ టైసన్.. బాక్సింగ్ లెజెండ్ లా కాదు ఒక కమెడియన్ లాగానే అతన్ని చూపించారు. ఇక ఇది అటు ప్రేక్షకులు అస్సలు జీర్ణించుకోలేకపోయారు అని చెప్పాలి. దానికి తోడు విజయ్ దేవరకొండ మైక్ టైసన్ ను చితకబాదడం.. అతని చేతిలో ఓడిపోవడం ప్రేక్షకులకు అస్సలు నచ్చలేదు.
ఇకపోతే ఇప్పుడు మైక్ టైసన్ లైగర్ చిత్రంలో నటించిన విషయం మరిచిపోయాడ అంటే ఇటీవల అతను చేసిన వ్యాఖ్యలు చూస్తే అవును అని అంటారు అందరు. ఓ పాడ్కాస్ట్ వీడియో లో భాగంగా స్నేహితులతో కలిసి మాట్లాడుతుండగా లైగర్ లో మీ పాత్ర ఏంటి అంటూ మైక్ టైసన్ ని అడుగుతారు. లైగర్ ఏంటో అర్థం కాక అతను తికమక పడతాడు. లైగర్ సినిమాలో నటించిన విషయం అతనికి గుర్తుకు రాదు. ఏది మళ్లీ ఒకసారి చెప్పు అని అడుగుతాడు మైక్ టైసన్. గూగుల్లో సెర్చ్ చేసి బాక్సింగ్ దిగ్గజం మైక్ టైసన్ ఇండియన్ స్పోర్ట్స్ అండ్ ఫిలిం లో నటిస్తున్నాడు అని చదివి వినిపించారు. అప్పుడు కానీ లైగర్ అతనికి గుర్తు రాలేదు.