సోషల్ మీడియాను ఏలేస్తున్న సౌత్ స్టార్ హీరోలు వీళ్లే..!!
ప్రస్తుతం సోషల్ మీడియా ఖాతాలో 46.8 మిలియన్ల మంది ఫాలోవర్స్ ను అల్లు అర్జున్ సొంతం చేసుకోవడం గమనార్హం. ముఖ్యంగా సౌత్ సినీ ఇండస్ట్రీలో ఇతనొక్కడే ఈ రేంజ్ లో సోషల్ మీడియాలో దూసుకుపోతుండడంతో ప్రతి ఒక్కరు ఆశ్చర్యపోతున్నారు. నిజానికి పుష్ప సక్సెస్ తోనే అటు బాలీవుడ్, ఇటు సౌత్ ఇండస్ట్రీలో కూడా మంచి గుర్తింపు లభించింది. ఈ క్రమంలోనే ఈయనకు విపరీతంగా ఫాలోవర్స్ కూడా పెరిగి పోయారు. అందుకే సోషల్ మీడియాలో నంబర్ వన్ స్థానాన్ని సొంతం చేసుకున్నారు అల్లు అర్జున్.
ఆ తర్వాత స్థానంలో సూపర్ స్టార్ మహేష్ బాబు 36.7 మిలియన్ మంది ఫాలోవర్స్ ను కలిగి ఉన్నారు. నిజానికి ఈయన పాన్ ఇండియా లెవెల్లో ఒక్క సినిమా చేయకపోయినా కూడా సోషల్ మీడియాలో ఈ రేంజ్ లో ఫాలోవర్స్ ను కలిగి ఉండడం గమనార్హం. ఇక ఈయన తర్వాత స్థానంలో ప్రభాస్ నిలిచాడు. బాహుబలి సినిమా తర్వాత ఈయన క్రేజ్ విపరీతంగా పెరిగిపోయింది . ఇక అలా సోషల్ మీడియాలో 34.2 మిలియన్ ఫాలోవర్స్ ను కలిగి ఉన్నారు. ఇక వీరి తర్వాత విజయ్ దేవరకొండ 30.1 మిలియన్ ఫాలోవర్స్, మెగా పవర్ స్టార్ రామ్ చరణ్ 22.9 మిలియన్ ఫాలోవర్స్ ను కలిగి ఉన్నారు.