ఉపేంద్ర తో ఆర్జివి సినిమా ఇందులో నిజమెంత..!!
తాజాగా స్టార్ మా లో ప్రసారం అవుతున్న స్టార్ మా పరివార్ లో తేజస్విని గౌడ పాల్గొంది. ఈమెతో పాటు c/o అనసూయ నాటిక లో నటించే వారు అందరూ పాల్గొనడం జరిగింది. ఈ సందర్భంగా అందరూ కలిసి డాన్సులు, పాటలతో బాగా రచ్చరచ్చ చేశారు. అయితే అటు తర్వాత తమ జీవితంలో జరిగిన కొన్ని సంఘటనలను తెలియజేస్తూ ఎమోషనల్ అయ్యారు. ఇక తేజస్విని గౌడ తన తండ్రి చివరి చూపు కూడా చూసుకోలేక పోయాను అని ఎమోషనల్ అయ్యింది.
తను కేవలం ఇంటర్మీడియట్ చదువుతున్నప్పుడే తన తండ్రి మరణించారని.. ఆ సమయంలో తన తండ్రిని చూడడానికి రాత్రివేళ సమయంలో జర్నీ చేసి వచ్చినా కూడా ఆఖరి చూపులు చూసుకోలేక పోయాను అని తెలిపింది. తన ఇంటికి వెళ్లే సమయానికి అన్ని కార్యక్రమాలు పూర్తి చేశారని.. తన తండ్రి చివరి చూపు కూడా నోచుకోలేక పోయాను అని చాలా బాధపడింది. తండ్రి ప్రేమ ఎలా ఉంటుందో తెలియకుండానే పెరిగానని, తన తల్లి మరణించేవరకు కూడా ఆమె లోనే తన తండ్రిని చూసుకున్నాను అని తెలిపింది. ఇక ఇవే కాకుండా తన జీవితంలో ఎన్నో కోల్పోయానని కన్నీటి పర్యంతం అయ్యింది తేజస్విని గౌడ. ప్రస్తుతం ఈ వీడియో తెగ వైరల్ గా మారుతోంది.