ఓదెల రైల్వే స్టేషన్.. సంపత్ నంది పోస్టర్ అదిరిందబ్బా..!
ఇక ఈ సినిమా ఎనౌన్స్ చేయడమే టైటిల్ పోస్టర్ తో వచ్చారు చిత్రయూనిట్. ఓదెల రైల్వేస్టేషన్ అంటూ రక్తపు మరకలతో టైటిల్ క్రేజీగా ఉండగా దూరంగా రైల్వేస్టేషన్.. ఓ అమ్మాయి శారీలో అటు తిరిగి నిలిచుని ఉంది. ఆమె కనిపించకుండా రెడ్ ఫ్లాగ్ ఒకటి ఆమె ఫేస్ ను కవర్ చేసింది. టైటిల్ పోస్టర్ తోనే ఓ ఇంట్రెస్ట్ ను క్రియేట్ చేశాడు డైరక్టర్ అశోక్ తేజ్. ఇక ఈ సినిమాలో మళయాళ నటుడు సింహా హీరోగా హెబ్బా పటేల్, పూజిత పొన్నాడ హీరోయిన్స్ గా నటిస్తున్నట్టు తెలుస్తుంది.
టైటిల్ పోస్టర్ మాత్రం అదిరిందని చెప్పొచ్చు. వెరైటీ టైటిల్ దానికి తగినట్టుగానే పోస్టర్ సినిమా ఆడియెన్స్ ను రీచ్ అవడానికి ఇంతకన్నా ఏం కావాలి చెప్పండి. ఇక ఈ సినిమాలో అసలు ట్విస్ట్ ఏంటంటే ఈ సినిమా కథ సంపత్ నంది రాశాడని సమాచారం. సో లాక్ డౌన్ టైంలో బ్రెయిన్ కి.. పెన్నుకి బాగానే పని చెప్పినట్టు ఉన్నాడు సంపత్ నంది. బ్లాక్ రోజ్ సినిమా కథ కూడా సంపత్ నంది రాసిందే అని తెలుస్తుంది. ఆ సినిమాలో బాలీవుడ్ హాట్ బ్యూటీ ఊర్వశి రౌతెలా నటిస్తుంది.