బిజినెస్ క్లాస్ లో .. 'శునక'రాజా ..
సాధారణంగా చెప్పేటప్పుడు కూడా శునకాన్ని ఒక ముద్ద పెడితే అది జీవితాంతం విశ్వాసంగా ఉంటుందని. అది నిజమే, ఇంట్లో మిగిలింది ఒక ముద్ద ఈ ప్రాణికి పెడితే అది ఎంత విశ్వాసంగా ఉంటుందంటే, చాలా సార్లు యజమాని కోసం అతడి కుటుంబం కోసం ప్రాణాలు ఇచ్చిన పెంపుడు జీవాల గురించి చదువుతూనే ఉంటాం. మరి అలాంటి శునకాన్ని ఎవరు మాత్రం ప్రేమించకుండా ఉంటారు. అందుకే పట్టణాలలో వీలైనంత వరకు ప్రతి ఇంట్లో ఒక శునకం పెంపుడు జీవిగా ఉంటుంది. చాలా మందికి వారి ఒంటరి జీవితానికి ఇదే ఎంతో వెసులుబాటుగా ఉంటుంది. ఇప్పుడు వీటికి కూడా అనేక రకాల ఆహారాలు, వైద్య శిబిరాలు ఏర్పాటు చేస్తున్నారు. వాళ్ళే ఇంటికి వచ్చి, పెంపుడు జీవాలకు కావాల్సిన సేవలు చేసి వెళ్తున్నారు.
ఇలాంటి ఒక పెంపుడు జీవానికి యజమాని ఫ్లైట్ లో బిజినెస్ క్లాస్ లో అన్ని సీట్లు బుక్ చేసి గమ్యానికి చేర్చాడు. అసలు దేశీయ శునకాలను విమానంలో ఎక్కించుకునేది ఎయిర్ ఇండియా మాత్రమే. అది కూడా బుక్ చేసుకున్న సీటు చివరి వరుసలో వీటికి అనుమతి ఇస్తారు. అది కూడా కేవలం రెండింటినే. అలాంటిది ఏకంగా బిజినెస్ క్లాస్ లో ఉండే 12 సీట్లను ఈ ఒక్క శునకం కోసమే బుక్ చేశాడు ఆ యజమాని. గత జూన్ సెప్టెంబర్ మధ్య ఈ విమాన సర్వీస్ 2వేల పెంపుడు జంతువులను గమ్యాలకు చేర్చింది.