കർക്കിടക മാസത്തിൽ സൗന്ദര്യം കൂടുമോ?
കർക്കിടക മാസത്തിൽ സൗന്ദര്യം കൂടുമോ? അതൊന്നു അറിഞ്ഞാൽ കൊള്ളാമെന്നുണ്ട് എല്ലേ! തുളസി ആരോഗ്യത്തിനു മാത്രമല്ല പല ചര്‍മ പ്രശ്‌നങ്ങള്‍ക്കും കൂടി മരുന്നാണ്. അള്‍പം തുളസിയിലയും മഞ്ഞള്‍പ്പൊടിയും ചേര്‍ത്ത് അരച്ചെടുക്കുക. ഇത് രാവിലെ വെറും വയറ്റില്‍ കഴിയ്ക്കുന്നത് ചര്‍മത്തിലെ അലര്‍ജി പ്രശ്‌നങ്ങള്‍ക്കും നല്ലൊരു മരുന്നാണ്. വയറു ശുദ്ധീകരിയ്ക്കുന്ന, രക്തം ശുദ്ധീകരിയ്ക്കുന്ന ഒന്നു കൂടിയാണിത്. പലപ്പോഴും ചര്‍മത്തിലെ അലര്‍ജി വയര്‍,രക്ത പ്രശ്‌നങ്ങള്‍ കൊണ്ടു കൂടിയാകാം.
തുളസിയുടെ ഇല, പൂവ്, കായ്, തടി എന്നുമാത്രമല്ല വേരുപോലും ഉപയോഗപ്രദമായ ഒന്നായിട്ടാണ് കണ്ടിരിക്കുന്നത്. തുളസിയുടെ ഇല ജലദോഷത്തെ തടയുന്നതിനും, വേര് പനിയെ നിരോധിക്കുന്നതിനും നല്ലതാണ്. ആമാശയസംബന്ധമായുള്ള തകരാറുകള്‍ക്ക് തുളസിച്ചെടി ഉണക്കിപ്പെടിച്ച് ഉപയോഗിക്കാവുന്നതാണ്.പപ്പായയും രക്ത ചന്ദന പൊടിയും കലര്‍ത്തി മുഖത്തു പുരട്ടാം. ചര്‍മത്തിളക്കത്തിനും നിറത്തിനുമെല്ലാം ഇതേറെ നല്ലതാണ്. മുഖത്തുണ്ടാകുന്ന കരുവാളിപ്പിനും കറുത്ത പാടുകള്‍ക്കുമെല്ലാം ഏറെ നല്ലതാണ് രക്തചന്ദനം.
കറിവേപ്പില തനിയെ അരച്ചു മുഖത്തിടുന്നതും ഇതു പല ചേരുവകള്‍ കൂട്ടി മുഖത്തിടുന്നതുമെല്ലാം തന്നെ സൗന്ദര്യപരമായ പല ഗുണങ്ങളും നല്‍കുന്നു.കറിവേപ്പിലയും പനിനീരും ചേര്‍ത്ത് അരച്ച് പുരട്ടുന്നത് സൗന്ദര്യത്തിന് നല്ലതാണ്. ഇത് മുഖത്തെ മൃദുവാക്കുന്നു. തിളക്കമുള്ളതുമാക്കുന്നു. കറിവേപ്പില മുഖക്കുരു പോലുള്ള പല ചര്‍മ പ്രശ്‌നങ്ങള്‍ക്കും നല്ലൊരു മരുന്നു കൂടിയാണ്. അരിപ്പൊടി, തൈര് എന്നിവ ചൂടുവെള്ളത്തില്‍ വച്ച് ചൂടാക്കണം. ഇവയില്‍ അല്‍പം വെളളരിക്കാ നീരു കൂടി ചേര്‍ത്ത് മുഖത്തു പുരട്ടി അര മണിക്കൂര്‍ ശേഷം കഴുകാം. ഇത് ചര്‍മത്തിന് നിറവും തിളക്കവും നല്‍കാന്‍ ഏറെ നല്ലതാണ്.
നല്ലൊരു പ്രകൃതി ദത്ത ക്ലെന്‍സര്‍ കൂടിയാണിത്. ചര്‍മം വൃത്തിയുള്ളതാകാന്‍ സഹായിക്കും. അരിപ്പൊടി വെളുക്കാന്‍ മാത്രമല്ല, നല്ല സ്‌ക്രബറായും ഇതുപയോഗിയ്ക്കാം. വൈറ്റമിന്‍ ബി ചര്‍മത്തിലെ ചുളിവുകള്‍ അകറ്റും. എണ്ണമയമുള്ള ചര്‍മത്തിലെ അധികമുള്ള എണ്ണമയം നീക്കാനും അരിപ്പൊടി നല്ലതാണ്. ചര്‍മത്തിലെ അഴുക്കുകള്‍ നീക്കം ചെയ്യാന്‍, സൂര്യരശ്മികളിലെ അള്‍ട്രാവയലറ്റ് രശ്മികള്‍ തടയാന്‍, മുഖത്ത് സ്‌ക്രബ് ചെയ്യാന്‍ എല്ലാം അരിപ്പൊടി ഏറെ നല്ലതാണ്.
ഇതുപോലെ പേരയുടെ തളിരില, മാവിന്റെ തളിരില എന്നിവ ചേര്‍ത്ത് അരയ്ക്കുക. ഇത് മുഖത്തു പുരട്ടി അര മണിക്കൂര്‍ ശേഷം കഴുകാം.മുഖത്തിന് നിറം വര്‍ദ്ധിപ്പിയ്ക്കാന്‍ സഹായിക്കുന്ന ഒന്നു കൂടിയാണിത്. ഇതെല്ലാം തന്നെ ബാക്ടീരിയല്‍ പ്രശ്‌നങ്ങള്‍ക്കുള്ള പരിഹാരമാണ്. മഞ്ഞള്‍ ആന്റി ബാക്ടീരിയല്‍ ഗുണങ്ങള്‍ അടങ്ങിയ ഒന്നാണ്.ഞ്ഞളും ചന്ദനവും ചേര്‍ത്തിളക്കി പേസ്റ്റാക്കി മുഖത്തു പുരട്ടാം. ഇതു തൈരില്‍ ചേര്‍ത്തു പുരട്ടാം. അല്ലെങ്കില്‍ പാല്‍ ചേര്‍ത്തിളക്കാം. ഇതും നല്ലൊരു ഫേസ് പായ്ക്കാണ്. പാല്‍പ്പാട അഥവാ പാലിന്റെ ക്രീം, തക്കാളി നീര്, കസ്തൂരി മഞ്ഞള്‍, നാരങ്ങാനീര് എന്നിവ കലര്‍ത്തി മുഖത്തിടാം.
ഇതു തിളക്കം നല്‍കും, ചെറുപ്പം നല്‍കും. ക്യാബേജ് അരയ്ക്കുക. ഇതില്‍ അല്‍പം യീസ്‌ററും തേനും ചേര്‍ത്ത് മുഖത്തു പുരട്ടി അര മണിക്കൂര്‍ ശേഷം കഴുകാം. ഇതു മുഖത്തെ ചുളിവുകള്‍ അകറ്റാന്‍ സഹായിക്കുന്ന പ്രകൃതിദത്ത പായ്ക്കാണ്. മുഖം ക്ലീനാക്കാനും ഇതു സഹായിക്കും. വൈറ്റമിന്‍ സി സമ്പുഷ്ടമാണ് നാരങ്ങ. തക്കാളി ആന്റി ഓക്‌സിഡന്റ് സമ്പുഷ്ടവുമാണ്.നാരങ്ങാനീര്, തക്കാളി നീര് എന്നിവ തുല്യ അളവിലെടുത്ത് ഒരു ടീസ്പൂണ്‍ ഓട്‌സും ചേര്‍ത്ത് പേസ്റ്റാക്കി മുഖത്തു പുരട്ടാം. ഇത് ആഴ്ചയില്‍ ഒരിക്കല്‍ ചെയ്യാം. ഇത് നല്ലൊരു ബ്ലീച്ച് ഇഫക്ട് നല്‍കും.